Actress Nagma | Marriage | National politics | పెళ్లి చేసుకోబోతున్నా... కానీ అతని పేరు చెప్పను
ఎన్నాళ్లగానో పెళ్లి చేసుకుందామని ఎదురు చూస్తున్న నగ్మా కల నిజమవనుంది. చెల్లెలు జ్యోతికకు పెళ్లైన దగ్గర్నుంచీ వివాహం చేసుకోవాలని నగ్మా శతవిధాలా యత్నించి చివరికి ఓ వరుడు తారసపడటంతో అతడిని వివాహం చేసుకునేందుకు సిద్ధమైంది.
అంతకు ముందు ఎడమచేతి వాటం క్రికెటర్ సౌరవ్ గంగూలీతో కొన్నాళ్లు ప్రేమాయణం సాగించింది. ఆ తర్వాత భోజ్పురి సినిమాలకు వెళ్లి అక్కడ ఓ హీరోతో లవ్వాట సాగించింది. అయితే వాళ్లిద్దరితో ఉన్నది ప్రేమ సంబంధం కాదనీ, స్నేహ సంబంధమని ఆ తర్వాత అందరినీ బుకాయించిందనుకోండి.
ఆ సంగతి అలావుంచితే... రాజకీయాలు, సినిమాలు పెళ్లికి అడ్డంకిగా నిలుస్తాయని సదరు వరుడు కండిషన్లు పెట్టడంతో వాటిని సైతం వదులుకునేందుకు ఈ ప్రౌఢ సుందరి సిద్ధమైనట్లు భోగట్టా. 2009 ఎన్నికల్లో ఎంపీ సీటు ఆశించి భంగపడ్డ తర్వాత రాజకీయ కెరీర్పైనా ఆశ వదులుకుని చివరికి ఇల్లాలి పాత్ర పోషించడానికి రెడీ అయింది.
