Tamanna | Happy days | Awara | Cut out | Palabhishekam | Paiya | హ్యాపీడేస్ తెల్లపిల్ల ''తమన్నా'' కటౌట్‌కు పాలాభిషేకం..!

WD

కోలీవుడ్‌లో త్రిష, నమిత, ఇలియానా తర్వాత తమన్నా టైమ్ వచ్చినట్టుంది. ప్రస్తుతం కోలీవుడ్‌లో తమన్నా ప్రేక్షకుల హృదయ స్పందనగా మారింది. ఈ మధ్యనే తూత్తుకుడి జిల్లాలో తమన్నా ఫ్యాన్స్ ఓ క్లబ్‌ని కూడా ప్రారంభించారు. దీనికి 'తంగపదుమై' (గోల్డెన్ గర్ల్)అని పేరు పెట్టారు. ఇది హెడ్ ఫ్యాన్ క్లబ్ అని వారు తెలిపారు.

దీనిని పూర్తిగా 'తమన్నా అఖిల భారత గోల్డెన్ గర్ల్ ఫ్యాన్స్ సంక్షేమ సంఘంగా' పిలుస్తారు. భవిష్యత్తులో మరిన్ని తమన్నా సంక్షేమ సంఘ శాఖలను ఏర్పాటు చేస్తామని ఫ్యాన్స్ క్లబ్‌ వారు తెలిపారు.

మరోవైపు.. తమన్నా తాజా తమిళ చిత్రం 'పయ్యా' (తెలుగులో ఆవారా) ప్రదర్శిస్తున్న ఓ థియేటర్లో తమన్నాకు 50 అడుగుల కటౌట్‌ను కట్టి పాలాభిషేకం కూడా చేశారు.

ఈ విషయమై తమన్నాను ప్రశ్నిస్తే.. "నాకు అభిమానులు చాలా ముఖ్యం. అయితే ఈ ఫ్యాన్ క్లబ్ గురించి నాకు తెలియదు, ఒకవేళ అది జరిగితే వారి అభిమానాన్ని నేను గౌరవిస్తాను. కానీ.. ఈ పాలాభిషేకం వంటివి ప్రోత్సహించను. ఎందుకంటే..? ఇటువంటివి భగవంతుడికి మాత్రమే చెయ్యాలి" అని అమాయకంగా బదులిచ్చింది.. ఈ హ్యాపీడేస్ తెల్లపిల్ల తమన్నా..!.