ప్రభుదేవాతో ప్రేమాయణం సాగిస్తున్నప్పుడు సినిమాలకు గుడ్బై చెప్పేస్తున్నట్లు తేల్చిన నయనతార హఠాత్తుగా ఒక తెలుగు సినిమాలో నటించేందుకు అంగీకారం తెలిపింది. ఈ సినిమాకు ఆమెకు 1.5 కోట్ల రూపాయల పారితోషికం ముట్టజెప్పినట్లు సమాచారం. నిజానికి శ్రీరామరాజ్యం చిత్రమే ఆమె చివరి చిత్రమని అనుకున్నారు.ఆ చిత్రం చివరి రోజు షూటింగ్ పూర్తయిన తర్వాత ఇచ్చిన పార్టీలో ఆమె కన్నీరు పెట్టుకుంది. ఇదిలా ఉండగా, ఈ విషయమై ప్రభుదేవా, నయనతారల మధ్య గొడవ జరిగింది. సినిమాలు వదిలేస్తున్నందుకు ఎందుకంత ఏడుపు అని ప్రభుదేవా పదేపదే నయనను ప్రశ్నించడంతో విసుగు చెందిన నయన అతడిని వదిలేసి మళ్లీ కెరీర్లో దూసుకుపోవాలని నిర్ణయించుకున్నదట.