భానుమతిగారిలా నటిస్తూ.. పాడడం...
|
'యమదొంగ'లో కథానాయికగా కనిపంచనుంది. ఆమె హీరోయిన్గా కనిపించక ముందే.. ఆమె పాడిన పాటలు శ్రోతలను, సినీ అభిమానులను ఉర్రూతలూగించాయి. 'రాఖీ' చిత్రం కోసం 'రాఖీ రాఖీ రాఖీ నువ్వే నా కవాసాకీ...' అంటూ ఉషారెక్కించింది. మెగాస్టార్ చిరంజీవి తాగాజా నటించిన 'శంకర్దాదా జిందాబాద్' చిత్రంలో 'ఆకలేస్తే అన్నం పెడతా..' అంటూ పాడిన పాట చిత్రానికే హైలెట్గా నిలిచింది. ఈ సందర్భంగా మమతా మనస్సులో దాగివున్న మాటలను తెలుసుకుందాం.. రండి.
ప్ర: తెలుగులో గాయనిగా మీ ప్రవేశం ఎలా జరిగింది.?
నేనొక గాయనిగా పరిచయమవుతానని ఎప్పుడూ అనుకోలేదు. 'ఆట' చిత్రంలో కథానాయికగా నటించాల్సింది. కానీ అది జరగలేదు. ఈ చిత్రం ఫోటో సెషన్స్ జరుగుతున్నపుడు గ్యాప్లో సిద్ధార్థతో పిచ్చాపాటిగా మాట్లాడుతుండగా.. పాటలు, సంగీతం టాపిక్ వచ్చింది. ఆయన దేవీశ్రీప్రసాద్కు పరిచయం చేశారు. పాడమని ఆడిగారు. హిందీ, మలయాళం, తమిళం చిత్రాల్లో కొన్ని పాటల పల్లవులు పాడి వినిపించాను. ఆయనకి నా గాత్రం నచ్చి గాయనిగా అవకాశం ఇచ్చారు.
ప్ర: భాషకాని భాషలో పాడడం ఇబ్బందిగా లేదా.?
యాసలో ఎటువంటీ ఇబ్బంది లేదు కానీ.. సరైన ఉచ్ఛారణలో పాడడంలో కొంత ప్రాబ్లమ్ ఎదుర్కొంటున్నాను.
ప్ర: ఇంతవరకు ఏయే చిత్రాల్లో పాడారు.?
నా తొలి 'పాట రాఖీ రాఖీ రాఖీ.. నువ్వే నా కవాసాకీ..' ఆ తర్వాత 'జగడం', 'శంకర్దాదా జిందాబాద్' చిత్రాల్లో పాడాను. 'యమదొంగ'లో 'ఓలమ్మీ తిక్కరేగిందా..' రిమిక్స్
|
ప్ర: 'యమదొంగ'లో కథానాయికగా ఎలా అవకాశం వచ్చింది.?
నేను నటించిన మలయాళ చిత్రం 'లంక' (తెలుగులో పోకిరిపిల్ల), తమిళ చిత్రం 'శివపదిగారం' చిత్రాలను చూసిన దర్శకుడు రాజమౌళి హీరోయిన్గా అవకాశం ఇచ్చారు. 'యమదొంగ'లో నా పాత్రకు ప్రాధాన్యత ఉంది.
ప్ర: 'యమదొంగ' చిత్రం హైలెట్స్ గురించి కాస్త చెపుతారా.?
ఎన్టీఆర్ కాస్త వైవిధ్యంగా కనిపిస్తారు. ఆయవ బాడీ లాంగ్వేజ్, డాన్స్ హైలెట్గా నిలుస్తాయి. యముడు (మోహన్బాబు)తో ఛాలెంజ్ చేసే డైలాగ్స్ ఆకట్టుకుంటాయి. 'యమదొంగ' ఆద్యంతం బాగుంటుంది. సినిమా సక్సెస్ను ఎంజాయ్ చేయడానికి ఎదురుచూస్తున్నాను.
ప్ర: తెలుగు తేలిగ్గానే పలుకగలుగుతున్నారా?
మొదట్లో కాస్త ఇబ్బంది పడ్డాను. ఇంగ్లీషులో డైలాగ్స్ రాసుకుని గుర్తుపెట్టుకుని చెపుతున్నాను.
ప్ర: మీ తదుపరి ప్రాజెక్ట్స్.?
హీరో జగపతి బాబు సరసన 'హోమం', నటుడు జెడి.చక్రవర్తి దర్శకత్వంలో రామ్గోపాల్వర్మ ఫ్యాక్టరీ ఈ చిత్రాన్ని నిర్మిస్తోంది. ఇందులో సైక్రియార్టిస్ట్ పాత్రలో నటిస్తున్నాను. 'సామాన్యుడు' ఫేం రవికుమార్ దర్శకత్వంలో నితిన్కు జోడీగా నటించనున్నాను.
