"బద్రి" "ఇట్లు శ్రావణి సుబ్రహ్మణ్యం", "ఇడియట్", "శివమణి", "అమ్మానాన్న ఓ తమిళమ్మాయి", "దేశముదురు", "పోకిరి" వంటి సక్సెస్ చిత్రాలకు దర్శకత్వం వహించివ పూరీ జగన్నాథ్ నిర్మాతగా కూడా తన టాలెంట్ నిరూపించేందుకు ప్రయత్నిస్తున్నారు. చిన్న చిన్న చిత్రాలకు వైష్ణో అకాడమీ బేనర్పై రూపొందిస్తున్నట్లు చెబుతున్నారు. తమిళ శంకర్ ఆదర్శమా అన్న ప్రశ్నకు నవ్వుతూ అటువంటిదేమీలేదంటారు.
తాను సహజంగా తెలుగు చిత్రాల్ని చూడననీ, అంతా ఇంగ్లీషు ప్రభావం తన చిత్రాలపై ఉంటుందని నిర్భయంగా చెబుతున్నారు. తొలిసారిగా మరో నిర్మాత "దిల్" రాజుతో కలిసి "హలో ప్రేమిస్తారా" అనే సినిమాను నిర్మించారు. "1 4 3" చిత్రంతో హీరోగా పరిచయం అయిన ఆయన సోదరుడు సాయిరాం శంకర్ హీరో. షీలా హీరోయిన్. "వర్షం" ఆధారంగా తమిళంలో "నాలై" అనే చిత్రాన్ని రూపొందించిన రాజ్కుమార్ దీనికి దర్శకుడు. ఈ చిత్రం ఈ నెల 30న విడుదలకానుంది. ఈ సందర్భంగా పూరీజగన్నాథ్ వెల్లడించిన విశేషాలు...
ప్రశ్న: "హలో ప్రేమిస్తారా" అని ఎవర్ని ఎవరంటారు? చిత్ర విశేషాలేమిటి?
జ: హీరో హీరోయిన్తో హలో "హలో ప్రేమిస్తారా" అని అడిగే వైనమే వైవిధ్యంగా ఉంటుంది. చిత్రవిశేషాలంటే... ఎయిర్టాక్ మొబైల్ నెట్వర్క్లో జాబ్ చేసే ఒక కుర్రాడు, ఈటీవీలో యాంకర్గా పనిచేసే ఒక యువతిని "హలో ప్రేమిస్తారా" అని ఏవిధంగా చేశాడు అన్నది పాయింట్.
ప్రశ్న: దర్శక నిర్మాతగా ఒకస్థాయి ఉన్న మీరు మరో నిర్మాతతో కలిసి నిర్మించడానికి కారణాలేమిటి?
జ: దర్శకుడు రాజ్కుమార్ చెప్పిన కథ దిల్రాజుకు నచ్చడంచో, నాకు వినిపించమని అతన్ని నా దగ్గరకు పంపాడు. కథ విన్నాను. అయితే రాజ్కుమార్ చెప్పిన కథ రెగ్యులర్ టైప్ అయినా దాన్ని స్క్రీన్ప్లే వివరిస్తుంటే ఆ సబ్జెక్టుపై అతను ఎంత మమేకం అయ్యాడో గమనించాను. ఇతనే సరిగ్గా డీల్ చేయగలడని దర్శకత్వం అప్పగించాను. అసలు ఈ సబ్జెక్ట్ చెప్పినప్పుడే నేనే చేద్దామనుకున్నా. వేరే చిత్రాల్లో బిజీగా ఉండడం, దిల్రాజు కూడా సినిమా మేకింగ్లో ఉండడంతో ఇద్దరు కలిసి చేయడం సబబమని అనుకున్నాం.
|
వినోదం > వెండితెర > ముఖాముఖి 
