హాస్యనటునిగా, కామెడీ హీరోగా తెలుగు ప్రేక్షకులకు సుపరిచితుడైన నటుడు ఆలీ. తెలుగు చలన చిత్ర రంగంలో కామెడీ తరహా పాత్రల్లో తన కంటూ ప్రత్యేక స్థానాన్ని ఏర్పరుచుకున్నాడీ వైవిధ్య పాత్రల నటుడు. ఒకవైపు కామెడీ తరహా పాత్రలను పోషిస్తూనే... మరో వైపు కామెడీ హీరోగాను నటిస్తు.. తనకెలాంటి పరిమితుల్లేవు అని నిరూపిస్తున్నాడీ సొట్టబుగ్గల ఆలీ.
యమలీల చిత్రంలో హాస్యాన్ని పండించడమే కాక అందులో హీరో పాత్రలోను డిగ్నీటీతో కూడిన నటనను కనబరిచాడు. కానీ యమలీల తర్వాత అంతటి విజయాన్ని సొంతం చేసుకోలేక పోయాడు. అయితేనేం.. ఏమాత్రం వెనక్కు తగ్గలేదు. కామెడీ పాత్రలతో ఇంత కాలం తెలుగు ప్రేక్షకులను అలరిస్తూనే మళ్లీ ఇప్పుడు హీరోగా తిందామా.. పడుకుందామా.. తెల్లారిందా..చిత్రం ద్వారా రానున్నాడు. ఈ సందర్భంగా ఆలీతో ఓ చిన్న ఇంటర్వ్యూ...
మీ కొత్త చిత్రానికి ఈ టైటిల్నే పెట్టడానికి కారణం చెప్పగలరా..?
కారణం అంటూ ఏమీ లేదు గానీ... తొలుత ఏ టైటిల్ను ఖరారు చేయాలో తెలీక యూనిట్ అంతా చాలా వరకు ఆలోచించి చర్చించాం.. కానీ దొరక్కపోయేసరికి నేను ఇంటికి వెళ్లా.. ఇంటిలో మా పాప పోకిరి చిత్రం చూస్తోంది.. అందులో నేను వెళ్లేసరికి షిండే అంటున్న డైలాగ్స్ విన్నాను...అంతే ... ఈ చిత్ర కథ కూడా అందుకు తగ్గట్టుగా ఉండడంతో ఈ టైటిల్నే ఖరారు చేయడం జరిగింది.
మీ కెరీర్ గురించిన విశేషాలు ఏవైనా..?
కేరీర్.. చాలా వింతగా ఉంటుందండీ బాబు.. చిన్న చిన్న పాత్రల కోసం బాలనటునిగా మద్రాసులో తిరిగుతుండగా.. వాహినీ స్టూడియోలో ఓ తమిళ చిత్రంలో నటిస్తుండగా.. రామానాయుడు గారు వస్తే.. ఆయన్ను ఓ వేషం ఇమ్మని అడిగాను.
ఆయన సరేనన్నారు. రోజులు గడుస్తుండగా.. ఓ రోజు రూంకి రాగానే రూమ్మేట్ చెప్పాడు రామానాయుడు గారి మేనేజర్ వచ్చి వెళ్లాడని.. అయ్యొయ్యో ఇప్పుడెలా వచ్చిన అవకాశం పోయిందే అని ఫీలయ్యా.. కాని మా వాడు చెప్పాడు. మేనేజర్ ఫోన్ నెంబర్ ఇచ్చి వెళ్లాడని..
|
వినోదం > వెండితెర > ముఖాముఖి 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు