బాలాదిత్యతో 1940లో ఒక గ్రామం
|
ప్రస్తుతం ఈ చిత్రానికి సంబంధించిన షూటింగ్ హైదరాబాద్లోని అన్నపూర్ణ స్టూడియోలో జరుపుకుంటోంది. ఈ సందర్భంగా బాలాదిత్య మాట్లాడుతూ నటునిగా నిరూపించే అవకాశం తనకు ఈ చిత్రం ద్వారా లభించడం ఎంతో ఆనందంగా ఉందని వ్యాఖ్యానించాడు. ఇందులో ప్రత్యేకత హీరోయిన్ 'శ్రీ' గుండుతో నటించి ప్రేక్షకులను ఆశ్చర్యపరుస్తుంది.
రెండు వేర్వేరు కులాల మధ్య జరిగే కథే ఈ చిత్రంగా తెరకెక్కిస్తున్నట్లు చెప్పాడు. అసలు మనిషి పుట్టుక, వారి మధ్య కులాల విభజన ఎలా జరిగింది అనే అంశాన్ని చర్చించినట్లు పేర్కొన్నాడు. అనంతరం దర్శకుడు మాట్లాడుతూ ప్రస్తుతం ఈ చిత్రానికి 90 శాతం షూటింగ్ పూర్తయిందన్నారు.
అప్పట్లో అంటే 1940లో నాటి పరిస్థితులకు అనుగుణంగా అప్పటి బాష, వస్త్రాలు, అలంకరణలతో సహా ఎక్కడా తేడా రాకుండా చిత్రాన్ని తెరకెక్కిస్తున్నట్లు చెప్పాడు. మూడు పాటలున్న ఈ చిత్రానికి సంగీతం సాకేత్ సాయిరాం అందిస్తున్నాడు.
ఈ చిత్రంలో ఇంకా ముక్కురాజు, వినోద్, తిలక్, గుండు హనుమంతరావు, జెన్ని, రామకృష్ణ, రాళ్లపల్లి తదితరులు నటిస్తుండగా.. మాటలు నరసిహనంది అందిస్తున్నారు. అలాగే కెమెరా మురలీమోహన్ రెడ్డి షూట్ చేస్తుండగా... బాబు ఎడిటర్గా బాధ్యతలు నిర్వహిస్తున్నారు.

