29న ''లక్ష్మీపుత్రుడు''గా వస్తున్న ఉదయ్‌కిరణ్

Written By: PNR

Published: Fri, 15 Feb 2008 (11:09 IST)

File

FILE

ఉదయకిరణ్ కథానాయకుడిగా రాజ్‌కపూర్ దర్శకత్వంలో తెలుగు, తమిళ భాషల్లో రూపొందిన చిత్రం "లక్ష్మీపుత్రుడు". ఈ చిత్రం ఈనెల 29వ తేదీన విడుదలకానుంది. దీనిపై నిర్మాత పోలిశెట్టి రాంబాబు మాట్లాడుతూ.. చిత్రం పాటలు ప్లాటినం డిస్క్‌ సాధించాయని చెప్పారు. సంగీత దర్శకుడు డి.ఇమాన్ మధురమైన బాణీలు సమకూర్చారని ప్రశంసించారు. మధుర ఎంటర్‌టైన్‌మెంట్ సరైన విధంగా మార్కెట చేసి ప్లాటినం డిస్క్ వేడుకలకు కారణభూతమైందని పేర్కొన్నారు.

బ్రహ్మానందం, ముమైత్‌ఖాన్‌ల పాత్రలు చిత్రానికి హైలైట్‌గా నిలుస్తాయన్నారు. ఈ కార్యక్రమంలో పాల్గొన్న నిర్మాత సి.కళ్యాణ్ మాట్లాడుతూ తాను నిర్మించిన "బొబ్బిలి వంశం"లో చిత్రంలో దర్శకుడు విలన్‌గా పరిచయం అయ్యారు. ఆ తర్వాత ఆయన దర్శకుడిగా తమిళంలో పలు విజయవంతమైన చిత్రాలు రూపొందించారు. తెలుగులో మొదటిసారిగా పరిచయం అవుతున్నారని చెప్పారు. ఈ చిత్రానికి ఇమాన్ చక్కని సంగీతాన్ని అందించారని ఎగ్జిక్యూటివ్ నిర్మాత పి.విజయ్‌వర్మ తెలిపారు.