జూన్ 13న ప్రేక్షకుల ముందుకు ''దశావతారం''
|
ఈ చిత్రం గురించి కమల్ మాట్లాడుతూ ఈ చిత్రంలో ఎన్నో ప్రత్యేకతలున్నట్టు తెలిపారు. దాదాపు రెండేళ్లకు పైగా ఈ చిత్రం షూటింగ్ జరపాల్సి వచ్చినా దర్శకుడు ఏమాత్రం విసుగు చెందలేదని షూటింగ్ ప్రారంభం రోజున చూపించిన అదే ఉత్సాహాన్ని చివరిరోజు వరకు చూపించారని కమల్ పేర్కొన్నరు.
అలాగే ఈ చిత్రం నిర్మత ఆస్కార్ రవిచందర్ క్వాలిటీ విషయంలో ఎక్కడా కాంప్రమైజ్ కాలేదని కమల్ తెలిపారు. ఈ చిత్రానికి బాలీవుడ్ సంగీత దర్శకుడు హిమేష్ రెషమ్మియా సంగీతాన్ని సమకూర్చడం కూడా ఓ గొప్ప విషయమని ఆయన అన్నారు.
దర్శకుడు రవికుమర్ మాట్లాడుతూ ఎంతోమంది గొప్ప టెక్నీషియన్స్ ఈ చిత్రం కోసం పనిచేశారని తెలిపారు. హాలీవుడ్ చిత్రాలైన టైటానిక్, వాటర్ వరల్డ్ చిత్రాలకు పనిచేసిన కళాకారులు ఈ దశావతారం చిత్రానికి పనిచేయడం గొప్పవిషయమని ఆయన అన్నారు. అలాగే ఈ చిత్రంలో వైట్హౌస్ సెట్ను కళా దర్శకుడు తోటతరణి అద్భుతంగా తీర్చిదిద్దారని ఆయన పేర్కొన్నారు.
చిత్రంలో వచ్చే 12శతాబ్ధానికి చెందిన విష్ణుమూర్తి ఆలయాన్ని పోలిన సెట్ కూడా ఈ చిత్రానికి హైలెట్గా నిలుస్తుందని ఆయన చెప్పారు. ఇన్ని గొప్ప అంశాలను కలిగిన ఈ చిత్రం జూన్ 13న తెలుగు, తమిళం, హిందీ భాషల్లో 1000 ప్రింట్లతో విడుదల కానుందని ఆయన తెలిపారు.
