ఉదయ్కిరణ్, అదితిశర్మ నాయికా నాయకలుగా నటిస్తోన్న చిత్రం గుండె ఝల్లుమంది". పరుచూరి శివరామ్ ప్రసాద్ నిర్మాత సారథ్యం వహిస్తున్న ఈ చిత్రానికి మదన్ దర్శకత్వం వహిస్తున్నారు. ఓ పాట మినహా చిత్రం షూటింగ్ పూర్తయింది. మరోవైపు నిర్మాణానంతర కార్యక్రమాల్లో భాగంగా రీరికార్డింగ్ జరుగుతోంది.
ఈ సందర్భంగా దర్శకుడు మాట్లాడుతూ... తన మనసుకి నచ్చే మనసు తారసపడ్డప్పుడే స్పందన మొదలవుతుందని, అప్పుడు కురిసే ప్రేమ జల్లులో తడిసి ముద్దవ్వాల్సిందేనని అంటున్నారు. ఈ విషయాన్నే వినోదాత్మకంగా తెరకెక్కించామని వెల్లడించారు. నిర్మాత మాట్లాడుతూ... యువతీ, యువకుల హృదయ స్పందనలకీ, సవ్వళ్లకు దర్పణం ఈ చిత్రమన్నారు.
ఉదయ్ కిరణ్ మాట్లాడుతూ...ఇందులో కాలేజీ స్టూడెంట్గా నటిస్తున్నానని, కథతో పాటు, తన పాత్ర ప్రేక్షకుల మెప్పును పొందుతోందన్నారు. ఇంకా ఈ చిత్రంలో అజయ్, ఆహుతి ప్రసాద్, వేణుమాధవ్, ధర్మవరపు, సురేఖావాణి, మధుమణి తదితరులు నటిస్తున్నారు. కెమెరా... ప్రభాకర్ రెడ్డి, పాటలు.. శివశక్తి దత్తా, చైతన్య ప్రసాద్, సమర్పణ.. పరుచూరి కిరీటి.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
