ఉపేంద్ర నటించిన కన్నడ చిత్రాన్ని తెలుగులో "వీధి రౌడీ" పక్కామాస్ అనే టైటిల్తో కె.ఎస్.ఆర్.పిక్చర్స్ అనువదించింది. "పొదరిల్లు" ఫేమ్ నేహాపెండ్సే కథానాయికగా నటించిన ఈ చిత్రాన్ని ఈ నెల 19న 42 ప్రింట్లతో విడుదల చేస్తున్నామని చిత్ర నిర్మాత కె. సాగర్ తెలియజేశారు.
గతంలో "ఎ", "ఉపేంద్ర" వంటి చిత్రాలు ఎంత ఆదరణను చూరగొన్నాయో.. అంతకంటే ఎక్కువగా ఈ చిత్రం ప్రేక్షకులను అలరిస్తుందని సాగర్ ఆశాభావం వ్యక్తం చేశారు. ఈ చిత్రంలోని పాటలను మంగళవారం నాడు ప్రదర్శించారు. ఐదు పాటలకు రాజేష్ రామ్నాథ్ స్వరాలు కూర్చారు.
"వీధి రౌడీ" లాండ్ మాఫియాను ఎలా ఎదుర్కొన్నాడనే ఇతివృత్తంతో ఈ చిత్రం తెరకెక్కనుందని, తాను ఉపేంద్ర నటించిన ఎనిమిది చిత్రాలకు సంభాషణలు రాశానని, ఈ చిత్రం తొలికాపీ చూశాక డిస్టిబ్యూటర్ల నుంచి మంచి స్పందన వచ్చిందని భారతీబాబు వ్యాఖ్యానించారు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
