14న తెరపైకి "సిద్ధు ఫ్రమ్ సికాకుళం"

Written By: Selvi

Published: Tue, 12 Aug 2008 (12:13 IST)

WD

అల్లరి నరేష్ హీరోగా నటించిన "సిద్ధు ఫ్రమ్ సికాకుళం" చిత్రాన్ని ఈ నెల 14న విడుదల చేయనున్నట్లు దర్శకుడు ఈశ్వర్ తెలియజేశారు. సోమవారం ఈ చిత్రంలోని పాటలను విలేకరులకు ప్రదర్శించారు. ఐదుపాటలకు కె.ఎం.రాధాకృష్ణ బాణీలు సమకూర్చారు. ఈ సందర్భంగా కె.ఎం.రాధాకృష్ణ మాట్లాడుతూ... పాటలను కనువిందుగా తెరకెక్కించేందుకు దర్శకుడు కృషి చేశారని చెప్పారు. శివేంద్ర కెమెరా పనితనం ఈ చిత్రానికి ప్రత్యేక ఆకర్షణగా నిలుస్తుందన్నారు.

చిత్ర నిర్మాత మల్లా విజయ ప్రసాద్ మాట్లాడుతూ.. అనుకున్నట్లే ఈ నెల 14న సినిమాను విడుదల చేస్తున్నామని, వెల్ఫేర్ క్రియేషన్స్ బేనర్‌లో నిర్మించే చిత్రాలకు ప్రేక్షకుల ఆదరణ ఉంటుందనే ఆశాభావాన్ని వ్యక్తం చేశారు. ఎంటర్‌టైన్‌మెంట్‌తో పాటు చక్కని సెంటిమెంట్ చిత్రంగా తెరకెక్కనుందని చెప్పారు.