తెలుగు, హిందీ భాషల్లో ఏకకాలంలో "అనగనగా ఒక అరణ్యం" చిత్రాన్ని నిర్మిస్తున్నామని నిర్మాత టి. సుల్తాన్ చెప్పారు. హిందీలో "హమ్ ఆప్కే సాథ్హై" అనే పేరును ఖరారు చేశామన్నారు. బెనజీర్ సమర్పణలో శేఖర్ చంద్రను దర్శకుడిగా పరిచయం చేస్తున్న ఈ చిత్రం షూటింగ్ పూర్తయింది. రామోజీ ఫిలింసిటీ, కడప లంకమల్ల అడవులతో పాటు ముంబైలోనూ షూటింగ్ చేసినట్లు నిర్మాత తెలిపారు.
బాలీవుడ్లో రూపొందిన "జంగిల్", హాలీవుడ్లో రూపొందిన "ఫారెస్ట్ గంప్" వంటి చిత్రాల స్థాయిలో ఈ సినిమాను రూపొందించామన్నారు. ఇటువంటి చిత్రాలు తెలుగులో మరిన్ని వస్తాయనే అభిప్రాయాన్ని సుల్తాన్ అన్నారు.
దర్శకుడు మాట్లాడుతూ.. అది అరణ్యంలో జరిగిన చిత్రమైనప్పటికీ లవ్, కామెడీ, హార్రర్ సమపాళ్ళలో ఉంటాయన్నారు. ఈ చిత్రంలో ఐదుపాటలు, నాలుగు ఫైట్స్ ఉన్నాయని తెలిపారు.
ఇంకా ఈ చిత్రంలో కౌశల్, సైరాభాను, అనువైష్ణవి, దువ్వాసి మోహన్, రాంబాబు, మేల్కొటె, జాకీర్ తదితరులు నటించారు. కెమేరా.. పి. సుధాకర్ రెడ్డి, సంగీతం.. టి.ఎస్, స్క్రీన్ప్లే, దర్శకత్వం.. శేఖర్ చంద్ర.