Josh | Naga Chaitanya | Nagarjuna | Dil Raju | జోగుతున్న నాగచైతన్య "జోష్"

WD

అక్కినేని నాగచైతన్య నటించిన ప్రథమ చిత్రం "జోష్" సెప్టెంబరు 3న విడుదల కానుంది. మొదట ఈ చిత్రాన్ని ఈ నెల 12న విడుదల చేయాలనుకున్నారు. కానీ సాంకేతికంగా బాగా రావాలని పుట్టినరోజైన ఈ నెల 28కి వాయిదా వేశారు. అయినప్పటికీ క్వాలిటీపరంగా రావాల్సినంత రాకపోవడంతో మరోసారి వాయిదా వేస్తూ చిత్రాన్ని సెప్టెంబరు 3న విడుదల చేయాలని నిర్ణయించినట్లు చిత్ర నిర్మాత దిల్ రాజు వెల్లడించారు.

శుక్రవారం సంస్థ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. సూపర్ 35 కెమేరాతో అధునాతనంగా తీర్చిదిద్దిన ఈ చిత్రంలో 30మందిని కొత్తవారిని పరిచయం చేస్తున్నట్లు తెలిపారు.

కథాపరంగా... ఇది ఓ కాలేజి విద్యార్థి కథ. కాలేజీలో జరిగే చిలిపి చేష్టలతోపాటు ఎంటర్‌టైన్‌మెంట్ జొప్పిస్తూ కాస్త సెంటిమెంటు కూడా జోడించడం జరిగిందని రాజు చెప్పారు. జోష్ ఘన విజయం సాధిస్తుందన్న దిల్ రాజు ధీమా వ్యక్తం చేశారు.