Sarvam | Trisha | Arya | ఏప్రిల్ 23న ఆర్య- త్రిషల "సర్వం"
తమిళ నటుడు ఆర్యతో చిత్రాలు తీసే దర్శుకుడు విష్ణువర్థన్ తాజాగా రూపొందించిన "సర్వం" చిత్రాన్ని తెలుగులోకి అనువదించారు. ఈ చిత్రాన్ని ఈనెల 23న విడుదల చేస్తున్నట్లు ఆయన చెప్పారు. త్రిష హీరోయిన్గా నటించిన ఈ చిత్రాన్ని సింహపురి టాకీస్పై ఎం.రఘునాథ్, ఎం.నరేంద్రలు నిర్మించారు.
నరేంద్ర మాట్లాడుతూ... విష్ణువర్థన్ ఈ చిత్రాన్ని చక్కగా తీశాడు. ఆయనతో స్ట్రెయిట్ తెలుగు సినిమా తీయాలనే ఆలోచన ఉంది. సర్వం చిత్రం బాగా వచ్చింది. దేవుడు సర్వాంతర్యామి. అన్నీ తెలిసిన వాడిని సర్వాంతర్యామి అని అంటారు. మా చిత్రంలో కథ ఆ నేపధ్యంలో ఉంటుంది. జేడీ చక్రవర్తి బాగా చేశాడు. అన్ని విధాలుగా ఉన్నత విలువలతో ఈ చిత్రాన్ని రూపొందించాం అని చెప్పారు.
దర్శకుడు మాట్లాడుతూ... హీరో క్యారెక్టరైజేషన్ అద్భుతంగా వచ్చింది. తమిళ భిల్లా తర్వాత ఈ సినిమా బిజీలో ఉన్నాను. పాటలన్నీ ఇండియాలో తీశాము. ఒక మంచి కథాంశంతో మీ ముందుకు వస్తున్నాం. త్వరలో తెలుగు, తమిళ భాషల్లో ఏకకాలంలోనే తీసే చిత్రానికి దర్శకత్వం వహించనున్నాను. వివరాలు త్వరలో తెలియజేస్తాను అన్నారు.
