"నేను మీకు తెలుసా?" ట్రైలర్ మీ కోసం...
|
ఈ సందర్భంగా సినిమా దర్శకుడు అజయ్ శాస్త్రి మాట్లాడుతూ... ఈ కథను తాను మనోజ్కు చెప్పినప్పుడే.. వాళ్ల నాన్నవద్దకు తీసుకెళ్లారని, చాలా భయపడ్డానని, అయితే మోహన్బాబు తనతో సినిమా చేసేందుకు అంగీకరించారని, తనకు ఈ సినిమా పట్ల పూర్తి స్వేచ్ఛ ఇచ్చారని చెప్పుకొచ్చారు.
నిర్మాత మంచు లక్ష్మి మాట్లాడుతూ... ఈ సినిమాకు తాను పేరుకు మాత్రమే నిర్మాతనని.. అంతా మనోజ్ చూసుకుంటున్నారని వెల్లడించారు. తాము చేసిన ఈ ప్రయత్నం సఫలీకృతం అవుతుందని ఆశాభావం వ్యక్తం చేశారు.
ఈ సినిమాలో మనోజ్ సరసన స్నేహ ఉల్లాల్ నటిస్తోంది. తెలుగు, తమిళ భాషల్లో ఈ చిత్రాన్ని సెప్టెంబరులో విడుదల చేయనున్నట్లు దర్శకులు చెప్పారు. బ్రహ్మానందం, నాజర్, సునీల్, సురేఖారాణి నటిస్తున్న ఈ చిత్రానికి మాటలు... కిషోర్, కెమెరా...సునీల్ కె. రెడ్డి, సంగీతం.. అచ్చు, సమర్పణ... మోహన్బాబు, నిర్మాత మంచు లక్ష్మి. ఈ సినిమాలోని కొన్ని సన్నివేశాలను ట్రైలర్ రూపంలో తిలకించండి.
