"ఆకాశమంత" ట్రైలర్ మీ కోసం..

ప్రకాష్ రాజ్ తండ్రిగా, త్రిష కూతురిగా నటించిన చిత్రం "ఆకాశమంత". శ్రీ వేంకటేశ్వర క్రియేషన్స్ పతాకంపై రాధామోహన్ దర్శకుడిగా, దిల్‌రాజు నిర్మించిన ఆకాశమంత చిత్రం ఇటీవలే ప్రేక్షకుల ముందుకొచ్చింది. థియేటర్లలో ప్రేక్షకులను అలరిస్తోన్న ఈ సినిమాకు, ఆడియోకు మంచి స్పందన వచ్చిందని దిల్‌రాజు వెల్లడించారు.

ఇంకా నిర్మాత దిల్‌రాజు మాట్లాడుతూ.. తమ బేనర్‌లో ఇది 8వ చిత్రమని, ఈ చిత్ర కథను ప్రకాష్ రాజ్ తమ పరుగు చిత్రం షూటింగ్‌లో తనకు చెప్పారన్నారు. ఈ చిత్రాన్ని ప్రకాష్‌రాజ్ తమిళంలో నిర్మించారని అదే చిత్రాన్ని తాను తెలుగులో విడుదల చేశామని దిల్‌రాజు తెలిపారు.

ప్రస్తుతం థియేటర్లలో అన్ని వర్గాల ప్రేక్షకులను అలరిస్తోన్న ఆకాశమంత ట్రైలర్‌ను వీక్షించండి.