ఆస్కార్ అవార్డు పొందిన "స్మైల్ పింకీ" అనే డాక్యుమెంటరీ చిత్రంలో ప్రధాన పాత్రధారిణి అయిన పింకీ కల ఎట్టకేలకు నెరవేరబోతోంది. ఎప్పటికైనా వైద్య విద్య చదివి తనలాగే గ్రహణం మొర్రితో బాధపడే చిన్నారులకు వైద్యసేవలు అందించాలన్నది ఆమె కల.వారణాసిలోని లాల్బహదూర్ శాస్త్రి విమానాశ్రయంలో పింకీకి స్వాగతం చెప్పేందుకు వచ్చిన భారతీయ జనతాపార్టీ ఎమ్మెల్యే, ఉత్తరప్రదేశ్ మాజీ మంత్రి అజయ్రాయ్, తన స్నేహితుడు డాక్టర్ వినోద్ భండారీ తరపున ఈ మేరకు ఓ హామీనిచ్చారు. అదేంటంటే... ఇండోర్లోని భండారీకి చెందిన "అరవిందో ఇనిస్టిట్యూట్ ఆఫ్ మెడికల్ సైన్సెస్"లో పింకీకి ఉచితంగా వైద్య విద్యను అందిస్తామని...!ఇదిలా ఉంటే... పింకీ ప్రాథమిక విద్య కోసం వినోద్ తల్లి, ఉపాధ్యాయురాలు ఉషా భండారీ తన ఫించన్ సొమ్ము మొత్తాన్ని వెచ్చించనున్నారు. ఈ సందర్భంగా పింకీ తండ్రి మాడ్లాడుతూ... డాక్టర్ కావాలన్న తన కుమార్తె కల నెరవేరబోతున్నందుకు సంతోషంగా ఉందనీ, ఆమె కలను సాకారం చేసేందుకు తన శాయశక్తులా కృషి చేస్తానని గద్గద స్వరంతో వెల్లడించారు." ఒకప్పుడు తన కూతురు అమెరికా వెళ్లాలని అనుకునేదనీ, ఇప్పుడామె కల నెరవేరిందనీ... వైద్యురాలినై తనలాంటి పిల్లలందరికీ సేవ చేస్తానని తన కూతురు అంటోందంటే... ఇదంతా భండారీగారి పుణ్యమేననీ.." పింకీ తండ్రి కన్నీటి పర్యంతమయ్యారు. |
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
