|
|
|
ఆత్మలు తిరుగాడే మన్ఫూర్ ఘాట్...
|
|
|
|
|
మంగళవారం, 8 ఏప్రిల్ 2008( 11:54 IST )
|
|
|
|
|
|
|
|
|
|
|
| | ఏది నిజం శీర్షికలో భాగంగా ఈ వారం మేం మన్ఫూర్ ఘాట్ -కొండ రోడ్డు- గురించి పరిచయం చేస్తున్నాము. ఆగ్రా-ముంబై మార్గం గుండా మహారాష్ట్రను మధ్యప్రదేశ్తో కలిపే ఈ ఘాట్ను శాపాలఘాట్గా జనం నమ్ముతున్నారు. ఈ ఘాట్ మార్గంలో వెళ్లే ప్రజలు చెప్పేదాని ప్రకారం, బతికి ఉన్నప్పుడు కోరికలు తీరని వారి ఆత్మలు కొన్ని ఈ ఘాట్లో తిరుగుతూ ప్రమాదాలను సృష్టిస్తున్నాయట. ఈ పుక్కిటి పురాణం మా దృష్టికి రాగానే మేం ఈ మన్ఫూర్ కొండ మార్గం వైపు బయలుదేరాము.
అక్కడికి చేరాక చూస్తే ఈ ఘాట్లు బాగా వంపు తిరుగుతూ ప్రమాద భరితంగా ఉంటున్నాయని మాకు తెలిసింది. ఈ ఘాట్ పొడవునా ఇలాంటి వంపులు ఉన్నాయట. కొద్ది దూరం పోయాక భైరవదేవుడి ఆలయానికి చేరుకున్నాము. ఈ రోడ్ మార్గంలో పోతున్నప్పుడు చాలామంది ఈ ఆలయం ముందు తమ తలలు వంచి నమస్కరిస్తూ పోవడం గమనించాము. | |
అయితే ఈ రోడ్పై వాహనాలను నడుపుతున్నప్పుడు చాలామంది డ్రైవర్లు వేగం గురించి పట్టించుకోకపోవడాన్ని మేం గమనించాము. మరో భక్తుడు భైరు మరియు ట్రక్కు డ్రైవర్ విష్ణు ప్రసాద్ గోస్వామి మాతో మాట్లాడుతూ ఈ ఆలయాన్ని చాలా కాలం కిందటే కట్టినట్లుగా తెలిపారు. ఎవరైతే తమ తలలను ఈ ఆలయంలోని భైరవ దేవుడి ముందు వంచి నమస్కారం చేస్తారో వాళ్లు క్షేమంగా తమ గమ్యం చేరుతారని, ఎవరైతే దేవుడిని సందర్శించకుండా పోతారో వాళ్లకు ఏదో ఒక ప్రమాదం జరిగితీరుతుందని వాళ్లు చెప్పారు. | | అయితే కొంతమంది డ్రైవర్లు ఈ ప్రాతంలో తిరిగే దయ్యాల ఉనికిని నమ్మడం కంటే భైరవదేవుడికి భక్తిపూర్వకంగా పూజలు చేస్తున్నట్లు మాకు స్ఫురించింది. ట్రక్కు ప్రమాదానికి గురై డ్రైవర్ అక్కడికక్కడే చనిపోయి ఉన్న ఘటనను మేం చూశాం. ఈ ప్రాంతంలో ఇలాంటి ప్రమాదాలను తరచుగా చూస్తుంటామని పోలీసు అధికారులు తెలిపారు. అయితే కొంతమంది అనుభవజ్ఞులు ఈ ఘాట్లోని ప్రమాదకర మలుపుల కారణంగానే ఇలాంటి ఘటనలు జరుగుతున్నాయని చెప్పారు. కాబట్టి ఈ మార్గంలో ప్రయాణిస్తున్నప్పుడు ఎవరైనా సావధానంగా ఉండటం అవసరం. అయితే.. ఈ విశ్వాసాన్ని గురించి మీరేమనుకుంటున్నారో మాకు రాయండి.
|
|
ఆధ్యాత్మికం > ఏది నిజం > కథనం 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు