ఇప్పటికీ అక్కడ ఇటువంటి చిత్ర విచిత్రాలను జరుగుతూనే వున్నాయని ఆలయ పూజారి మాతో చెప్పాడు. దీనికి ఉదాహరణగా ఏడేళ్ల క్రితం జరిగిన ఓ సంఘనను అతను ఉటంకించాడు. ఈ ఆలయంలో ఓ భక్తుడు ఓ చిన్న కొబ్బరికాయను పగులగొడితే... పగిలిన తర్వాత రెండు చిప్పల సైజు వాటి సైజును మించి రెండు పెద్ద కొబ్బరి చిప్పలుగా మారాయి.
ఇటువంటి మహత్యాలు జరుగుతున్నాయని తెలుసుకున్న ప్రజలు ఈ ఆలయాన్ని సందర్శించటం మొదలుపెట్టారు. తమ కుటుంబాన్ని చల్లగా చూడాలని నాగరాజు, నాగదేవతలను వేడుకుంటున్నారు. కేవలం కుటుంబ సుఖసంతోషాలనే కాక తమ వ్యాపారం విజయవంతంగా సాగాలని కోరుకుంటూ వ్యాపారవేత్తలు, సంతానలేమితే బాధపడుతున్న జంటలు తమకు సంతానభాగ్యాన్ని ప్రసాదించమని వేడుకునే భక్తులతో ఈ మందిరం రద్దీగా వుంటుంది.
మన దేశంలో ఇటువంటి నమ్మకాలు, విశ్వాసాలకు కొదవేలేదు. అయితే ఈ నమ్మకాలన్నీ ఏదోరకంగా భగవంతునితో అనుసంధానమై వున్నాయి. అయితే ఇటువంటి గాథలు వెనుక వున్న అసలు నిజం ఏమిటీ... అంటే చెప్పటం కష్టమే మరి.
ఇందులో నిజమెంత... అని ఆధ్యాత్మిక భావాలను కలిగిన వ్యక్తులను ప్రశ్నించటం, వారి నమ్మకాలనుంచి వెలుపలకి తీసుకురావడం కష్టసాధ్యమే. ఇటువంటి నమ్మకాలలో పూర్తిగా కూరుకుపోయిన ప్రజలను కొందరు విశ్వాసాలను అడ్డుపెట్టుకుని దోచుకుంటున్నారు. చాలా సందర్భాల్లో చాలా సాధారణమైన సంఘటనలకు అత్యద్భుత ఆధ్యాత్మికతను రంగరించి అమాయక ప్రజలను బురిడీ కొట్టిస్తున్నారు. ఇటువంటి వాటిపై మీరేమనుకుంటున్నారో మాకు రాయండి. |
ఆధ్యాత్మికం > ఏది నిజం > కథనం 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
