అంతం చేసే మగాడు ఇంకా పుట్టలేదురా బచ్ఛా.. తురేయ్ అనిల్ అంటే తల ఎక్కడ పెట్టుకుంటావ్...
నెల్లూరు జిల్లా రాజకీయాల్లో ఎన్నో దశాబ్దాలుగా క్రియాశీలకంగా ఉండే ఆనం కుటుంబాన్ని అంతమొందిస్తామంటూ మాజీమంత్రి, నెల్లూరు సిటీ వైకాపా ఎమ్మెల్యే అనిల్ కుమార్ రెడ్డి చేసిన వ్యాఖ్యలపై టీడీపీ అధికార ప్రతినిధి ఆనం వెంకట రామణా రెడ్డి తనదైనశైలిలో కౌంటర్ ఇచ్చారు. ఆనం కుటుంబాన్ని అంతమొందించే మగాడు ఇంకా పుట్టలేదురా బచ్ఛా అంటూ అన్నారు. పైగా, ఒరేయ్ జగన్.. ఒరేయ్ అనిల్... తురేయ్ అనిల్ అంటే నువ్వు, నీ నాయకుడు తల ఎక్కడ పెట్టుకుంటారు? అని ప్రశ్నించారు.
మంగళవారం నారా లోకేశ్ పాదయాత్ర క్యాంపు సైట్ వద్ద ఆయన మీడియాతో మాట్లాడుతూ, మా నాయకుడు లోకేశ్ అమెరికాలో చదివాడని గర్వంగా కాలరెగరేసి చెపుతాం.. మీ నాయకుడు ఏం చదివాడో, ఎక్కడ చదివాడో చెప్పగలవా అనిల్ అని ప్రశ్నించారు. స్టాన్ ఫోర్డ్‌లో చదివిన లోకేశ్ పప్పా.. పదో తరగతి తప్పిన జగన్ నిప్పా అంటూ నిలదీశారు.
మీ నాయకుడు గంటలపాటు తడబడకుండా మీడియాతో మాట్లాడగలడా, కాగితాలు చూడకుండా సమాధానం చెప్పగలడా, మీ నాయకుడి చదువు ఇదని ఫలానా చోట చదివాడని చెప్పగలవా అని ప్రశ్నల వర్షం కురిపించారు. సొంత బాబాయ్ సహా, నెల్లూరు జిల్లా వైకాపా నేతలతో ఆఖరికి మంత్రులతో కూడా నీకు ఎందుకు పడటం లేదు అనిల్ అని ఆనం నిలదీశారు. జగన్ టిక్కెట్లు ఇచ్చిన వారిని ఓడించిన అనిల్.. ముఖ్యమంత్రికి వీరాభిమానివా? అని ప్రశ్నించారు.
