యువతికి పలుమార్లు గర్భస్రావం.. పెళ్లి మాటెత్తితే నో అన్న కాంగ్రెస్ నేత?
పుదుచ్చేరిలో కాంగ్రెస్‌కు చెందిన సామాజిక ప్రసార మాధ్యమాల సమన్వయకర్త.. ప్రేమ పేరుతో డ్రామా ఆడాడు. ప్రేమ పేరిట ఓ యువతిని నమ్మబలికి చివరికి ఆమెపై అత్యాచారానికి పాల్పడ్డాడు. ఈ ఘటన స్థానికంగా కలకలం రేపింది.
వివరాల్లోకి వెళితే.. విల్లియనూర్ శివరానందం పేటకు చెందిన తమిళరసన్ (27) కాంగ్రెస్ పార్టీకి చెందిన సామాజిక ప్రసార మాధ్యమాల సమన్వయకర్తగా బాధ్యతలు నిర్వహిస్తున్నాడు. ఇతడు అదే ప్రాంతానికి చెందిన ఓ యువతిని ప్రేమించాడు. ఓ రోజు తమిళరసన్ ఆ యువతిని ఒంటరిగా రమ్మన్నాడు.
ఆమె కూడా ప్రేమికుడే కదాని అతనితో వెళ్లింది. ఆపై నిర్మానుష్య ప్రదేశంలో ఆమెను లోబరుచుకున్న తమిళరసన్ ఆమెపై అత్యాచారానికి పాల్పడ్డాడు. దీంతో ఆ యువతి గర్భం దాల్చింది.
ఈ విషయం బహిర్గతం అయితే అవమానం తప్పదని..తమిళరసన్ ఆ యువతికి గర్భస్రావం చేయించాడు. ఆపై కొద్దిరోజులకే మాయమాటలు చెప్పి ఆమెపై పలు మార్లు అత్యాచారినికి పాల్పడ్డాడు. కానీ అత్యాచారానికి పాల్పడటం గర్భం ధరిస్తే.. గర్భస్రావం చేయించడం.. పెళ్లి మాటెత్తితే మాయ మాటలు చెప్పి తప్పించుకోవడం చూసిన ఆ యువతి పోలీసులకు ఫిర్యాదు చేసింది.
దీనిపై కేసు నమోదు చేసుకున్న పోలీసులు తమిళరసన్‌ను అరెస్ట్ చేసి విచారణ జరుపుతున్నారు. కాంగ్రెస్ పార్టీకి చెందిన ఓ ప్రజా ప్రతినిధి ఇలాంటి నీచమైన పనికి ఒడిగట్టడం.. స్థానికంగా కలకలం రేపింది.
