బంజారాహిల్స్లో కారు బీభత్సం: ఒకరు మృతి
బంజారాహిల్స్ లో ఒక కారు బీభత్సం సృష్టించింది. శనివారం అర్థరాత్రి ఆ కారు అధిక వేగంతో వెళ్తూ రోడ్డు డివైడర్ ను ఢీ కొట్టింది. దీంతో ఆగకుండా ఆ పక్కనే వెళ్తున్న రెండు బైకులను డీ కొట్టింది.
ఈ ప్రమాదంలో బైక్ ల పై నుంచి ముగ్గురు వ్యక్తులు కింద పడ్డారు. ఓ వ్యక్తి సంఘటనా స్థలంలోనే ప్రాణాలు కోల్పోయాడు. మరో ఇద్దరు తీవ్రంగా గాయపడ్డారు. కారు ముందు భాగం ధ్వంసమైంది. దీంతో కారులోని యువకుడు, అతడి గర్ల్ ఫ్రెండ్ కారును వదిలి అక్కడి నుంచి పరారైయ్యారు.
ఇంతలో అదే రహదారిపై వెళ్తున్న వాహనదారులు వెంటనే స్పందించి బంజారాహిల్స్ పోలీసులకు సమాచారం అందించారు. పోలీసులు ఘటన స్థలానికి చేరుకుని క్షతగాత్రులను సమీపంలోని కేర్ ఆస్పత్రికి తరలించారు.
అనంతరం కారును సీజ్ చేసి బంజారాహిల్స్ పోలీసు స్టేషన్ కు తరలించారు. యువకుడి మృతదేహాన్ని పోలీసులు స్వాధీనం చేసుకుని పోస్ట్ మార్టం నిమిత్తం ప్రభుత్వ ఆస్పత్రికి తరలించారు.
కాగా తన కుమారుడి మృతి కారణమైన యువకుడిని వెంటనే అరెస్ట్ చేయాలని మృతుడి తండ్రి కుటుంబ సభ్యులతో వచ్చి బంజారాహిల్స్ పోలీసు స్టేషన్కు చేరుకుని రోడ్డు పై బైఠాయించి ఆందోళన చేశారు. పోలీసులు కేసు నమోదు చేసి దర్యాప్తు చేస్తున్నారు.
