బంపర్ ఆఫర్ : యేడాది పాటు ఉచితంగా బిర్యానీ... ఎక్కడ.. ఎందుకు?

paradise biryani
Last Updated: శుక్రవారం, 7 జూన్ 2019 (14:36 IST)
హైదరాబాద్ నగరం బిర్యానీకి ప్రసిద్ధి. హైదరాబాద్ బిర్యానీకి ఉన్న పేరు గురించి ప్రత్యేకంగా చెప్పనక్కర్లేదు. అందులో ఈ నగరంలో ఉన్న ప్యారడైజి బిర్యానీ గురించి వివరించాల్సిన పనిలేదు. అయితే, ఐసీసీ క్రికెట్ ప్రపంచ కప్ పోటీలను దృష్టిలో ఉంచుకుని హైదరాబాద్ నగరంలోని ప్యారడైజ్ హోటల్ ఓ బంపర్ ఆఫర్‌ను ప్రకటించింది.

ప్రపంచకప్‌ 2019 టోర్నీ నేపథ్యంలో క్రికెట్‌ ప్రియులకు కోసం #WorldCupWithParadise అనే పోటీని నిర్వహించనుంది. ఇందులో విజేతలుగా నిలిచిన వారికి ఒక యేడాది పాటు వారంలో ఒక బిర్యానీ చొప్పున 52 వారాలు ఉచితంగా బిర్యానీని గిఫ్ట్ రూపంలో పొందవ‌చ్చ‌ు. ఈ పోటీ జూన్ 7 నుంచి జూలై 18వ తేదీ 2019 వ‌ర‌కు దేశవ్యాప్తంగా నిర్వ‌హించనున్నట్టు హోటల్ నిర్వహాకులు ఓ ప్రకటనలో వెల్లడించారు.

బిర్యానీ ప్రియులు ఈ నిర్ణీత సమయంలో ప్యార‌డైజ్ ఫుడ్ కోర్టుల డైన్ ఇన్/ఎక్స్‌ప్రెస్ ఔట్‌లెట్‌ల‌కు కుటుంబం, స్నేహితుల‌తో విచ్చేసి ఈ పోటీ గురించి వివ‌రంగా తెలుసుకోవ‌చ్చని స్పష్టం చేసింది. ఈ క్రికెట్‌ సీజన్‌ తమ వినియోగదారులకు ప్రత్యేకంగా ఉండాలనే ఉద్దేశంతోనే ఈపోటీని తీసుకువచ్చినట్లు సంస్థ సీఈవో గౌతం గుప్తా తెలిపారు. ఇక ఐపీఎల్‌ సందర్భంగా ప్యారడైజ్‌ రెగ్యులర్‌ కస్టమర్లకు ఉచితంగా బిర్యానీతో పాటు ఐపీఎల్‌ టికెట్లు అందజేసిన విషయం తెలిసిందే.



దీనిపై మరింత చదవండి :