వైకాపా ఎమ్మెల్యే అనిల్ కుమార్ ఓ రౌడీ.. కిరణ్ రాయల్
సోషల్ మీడియాలో వైసీపీ, జనసేనల తిట్ల పురాణంపై జరిపిన చర్చా కార్యక్రమంలో భాగంగా జనసేన చిత్తూరు జిల్లా నేత కిరణ్ రాయల్.. నెల్లూరు జిల్లా వైసీపీ ఎమ్మెల్యే అనిల్ కుమార్ యాదవ్‌పై తీవ్రస్థాయిలో విమర్శలు గుప్
సోషల్ మీడియాలో వైసీపీ, జనసేనల తిట్ల పురాణంపై జరిపిన చర్చా కార్యక్రమంలో భాగంగా జనసేన చిత్తూరు జిల్లా నేత కిరణ్ రాయల్.. నెల్లూరు జిల్లా వైసీపీ ఎమ్మెల్యే అనిల్ కుమార్ యాదవ్‌పై తీవ్రస్థాయిలో విమర్శలు గుప్పించారు. ఈ కార్యక్రమంలో కిరణ్ రాయల్ మాట్లాడుతూ.. ఎమ్మెల్యే అనిల్ కుమార్ యాదవ్ చరిత్ర అందరికి తెలిసిందేనని ఎద్దేవా చేశారు.
నెల్లూరు జిల్లాలో ఆయనొక అవినీతిపరుడు, రౌడీ అంటూ తీవ్ర వ్యాఖ్యలు చేశారు. అలాంటివారు పార్టీలో వుంటే ఉన్మాదులు తయారవుతారని రాయల్ ధ్వజమెత్తారు. దీనిపై వైసీపీ విద్యార్థి విభాగం కన్వీనర్ నాగార్జున యాదవ్ స్పందిస్తూ.. జనసేన నేతలకు దమ్ముంటే అనిల్ కుమార్ యాదవ్‌పై చేసిన ఆరోపణలు నిరూపించాలి, లేదా క్షమాపణలు చెప్పాలంటూ డిమాండ్ చేశారు.
ఇదిలా ఉంటే.. పవర్ స్టార్ పవన్ కళ్యాణ్‌పై ఇటీవల వైకాపా ఎమ్మెల్యే అనిల్ కుమార్ యాదవ్ తీవ్రస్థాయిలో మండిపడ్డారు. పవన్ కళ్యాణ్ జనసేన పార్టీ పెట్టి ప్రజలను దారుణంగా మోసం చేస్తున్నారని దుయ్యబట్టారు. పవన్ యాత్ర కేవలం వైసీపీని విమర్శించడానికే తప్ప ప్రజలకోసం పనిచేద్దామనే తాపత్రయం లేకపోవడం శోచనీయమన్నారు.
తాను పవన్‌కు అభిమానినే అన్న అనిల్ పవన్ చేస్తున్న కుళ్ళు రాజకీయాలు నచ్చకే మనసు చంపుకుని పవన్ కళ్యాణ్‌ను అభిమానించడం మానేస్తున్నానంటూ సంచలన నిర్ణయం తీసుకున్నారు.
