పశ్చిమ గోదావరి జిల్లాలో అరుదైన కాకి
పూర్తిగా తెల్లని రంగులో ఉన్న అరుదైన కాకి పశ్చిమ గోదావరి జిల్లా కొయ్యలగూడెం మండలం బయ్యనగూడెంలో సంచరిస్తూ స్థానికంగా ఉన్నవారిని విశేషంగా ఆకర్షిస్తోంది.
బయ్యనగూడెం గ్రామం దళితవాడలో ఈ తెల్లని కాకి కొద్ది రోజుల క్రితం ప్రత్యక్షమైనట్లు స్థానికుడు జొన్నకూటి పట్టియ్య తెలిపారు.
చిన్నపిల్లలు వేసే ఆహారాన్ని తింటూ ఇక్కడే ఉండిపోయిందని, వేళకు ఆహారం నీరు అందిస్తుండటంతో చిన్నారులతో కాకి మమేకమైపోయిందని చెప్ప్పారు.
ఎక్కడెక్కడో తిరుగుతూ ఆ కాకి పిల్లలు ఆడుకునే సమయానికి దళిత వాడలోకి వచ్చి వాళ్ళని ఆహ్లాద పరుస్తుందనిహొస్థానికులు చెబుతున్నారు.
