ప్రపంచంలోనే తొలి సీఎన్జీ బైకును ఆవిష్కరించిన బజాజ్ ఆటో!!
దేశ ఆటోమొబైల్ కంపెనీల్లో ఒకటైన బజాజ్ ఆటో సరికొత్త చరిత్ర సృష్టించింది. ప్రపంచలోనే తొలి సీఎన్జీ బైకును శుక్రవారం ప్రవేశపెట్టింది. ఫ్రీడమ్‌ 125 పేరుతో దీన్ని ఆవిష్కరించింది. అట్టహాసంగా నిర్వహించిన ఈ కార్యక్రమానికి కేంద్ర ఉపరితల రవాణా శాఖ మంత్రి నితిన్‌ గడ్కరీ హాజరయ్యారు. సీఎన్‌జీతో పాటు పెట్రోల్‌తో కూడా నడిచే విధంగా ట్విన్‌ ట్యాంక్‌ను అమర్చారు. పెరిగిన పెట్రోల్‌ ధరల నుంచి వాహనదారులకు ఈ బైక్ ఊరటనిస్తుందని బజాజ్ ఆటో తెలిపింది. ఈ బైకు ధర, మైలేజీ వివరాలను పరిశీలిస్తే,
ఫ్రీడమ్‌ 125 బైక్ మూడు వేరియంట్లలో లభిస్తుంది. ఫ్రీడమ్‌ డిస్క్‌ ఎల్‌ఈడీ, ఫ్రీడమ్‌ డ్రమ్‌ ఎల్‌ఈడీ, ఫ్రీడమ్‌ డ్రమ్‌ వేరియంట్లలో ఈ బైక్ లభిస్తుందని బజాజ్ ఆటో పేర్కొంది. డ్యూయల్‌ టోన్‌ కలర్‌తో మొత్తం ఏడు రంగుల్లో ఈ బైక్ లభిస్తుందని, ఇందులో డిస్క్‌ ఎల్‌ఈడీ వేరియంట్‌ ధరను రూ.1.10 లక్షలుగా కంపెనీ పేర్కొంది. డ్రమ్‌ ఎల్‌ఈడీ 1.05 లక్షలు, డ్రమ్‌ వేరియంట్‌ ధర రూ.95 వేలకే లభిస్తుందని కంపెనీ తెలిపింది.
