కేఎల్ రాహుల్ బర్త్‌డే స్పెషల్ - కుమార్తెకు నామకరణం చేసిన దంపతులు!
భారత క్రికెటర్లలో ఒకరైన కేఎల్ రాహుల్ తన పుట్టిన రోజు వేడుకలను శుక్రవారం జరుపుకున్నారు. ఈ సందర్భంగా తమ పండంటి బిడ్డకు నామకరణం చేశారు. రాహుల్ - బాలీవుడ్ నటి అతియా శెట్టిల జంట ఇటీవల పండంటి ఆడబిడ్డ జన్మించిన విషయం తెల్సిందే. ఈ చిన్నారికి పెట్టిన పేరును కేఎల్ రాహుల్ శుక్రవారం అధికారికంగా వెల్లడించింది.
అతియా, రాహుల్‌లు తమ నవజాత బిడ్డతో ఉన్న ఓ అందమైన పోటోను షేర్ చేస్తూ తమ కుమార్తె పేరును ప్రకటించారు. మా పాప, మా సర్వస్వం. ఇవారా - దేవుడిచ్చిన వరం అంటూ రాహుల్ పోస్ట్ చేశారు. ఇవారా అనే పేరుకు దేవుడు బహుమతి అని అర్థం వస్తుంది. ఈ పోస్ట్ క్షణాల్లో వైరల్ కావడంతో అభిమానులు, పలువురు ప్రముఖులు ఈ జంటకు శుభాకాంక్షలు తెలుపుతూ కామెంట్స్ చేస్తున్నారు.
కాగా, కేఎల్ రాహుల్, అతియా శెట్టి దంపతులు గత యేడాది వివాహ బంధంతో ఒక్కటైన విషయం తెల్సిందే. ఈ యేడాది మార్చి 24వ తేదీన వీరు తల్లిదండ్రులుగా ప్రమోషన్ పొందారు. అప్పటి నుంచి తమ కుమార్తెకు ఏం పేరు పెడతారా అని అభిమానులు ఆసక్తిగా ఎదురు చూడగా, వారు శుక్రవారం ఇవారా అన పేరు పెట్టినట్టు అధికారికంగా వెల్లడించారు.
