ఇంట్లో ఉరేసుకున్న ఇంటర్ విద్యార్థిని.. ఎందుకో తెలుసా?
హైదరాబాద్ నగరంలో ఓ ఇంటర్ విద్యార్థిని ఆత్మహత్య చేసుకుంది. తన ఇంట్లోనే ఉరేసుకుని ప్రాణాలు తీసుకుంది. హైదరాబాద్ నగరంలోని కుల్సుంపుర పోలీస్ స్టేషన్ పరిధిలోని భరత్ నగర్‌లో ఈ ఘటన జరిగింది. మృతురాలిని నవ్యగా గుర్తించారు. ఈమె బుధవారం రాత్రి ఆత్మహత్య చేసుకుంది. ఈ ఘటనపై పోలీసులు కేసు నమోదు చేసి దర్యాప్తు జరుపుతున్నారు.
అయితే, మృతురాలి తల్లిదండ్రులు మాత్రం మరోలా ఆరోపిస్తున్నారు. తమ ఇంటి ముందు గుర్తు తెలియని వ్యక్తులు క్షుద్రపూజలు చేసి నిమ్మకాయలు, పసుపుకుంకుమతో పాటు దీపాలు పెట్టి పెళుతున్నారని, ఈ కారణంగానే ఆమె ఆత్మహత్య చేసుకుని ఉంటుందని బోరున విలపిస్తూ చెప్తున్నారు.
