కిల్లర్ వ్యాధి.. క్షయపై వారం పాటు అవగాహన.. థీమ్ ఇదే
క్షయ వ్యాధి ప్రధానంగా ఊపిరితిత్తులను ప్రభావితం చేసే ఒక అంటువ్యాధి. ఇది 2022లో 1.3 మిలియన్ల మరణాలకు దారితీసింది. కిల్లర్ వ్యాధులలో ఇది ఒకటి. మైకోబాక్టీరియం ట్యూబర్‌క్యులోసిస్ అని పిలువబడే ఒక రకమైన బ్యాక్టీరియా వల్ల ఈ వ్యాధి సోకిన వ్యక్తులు దగ్గినప్పుడు, తుమ్మినప్పుడు లేదా ఉమ్మివేసినప్పుడు గాలి ద్వారా వ్యాపిస్తుంది.
క్షయవ్యాధిని నివారించవచ్చు. ఆరు నుండి 12 నెలల వరకు యాంటీ బాక్టీరియల్ మందులను వాడటం ద్వారా దీన్ని దూరం చేసుకోవచ్చు. టీబీ బ్యాక్టీరియా శరీరంలోని ఇతర భాగాలపై దాడి చేయగలదు. అది మూత్రపిండాలు, వెన్నెముక లేదా మెదడును దెబ్బతీస్తుంది. సరిగ్గా చికిత్స చేయకపోతే, టీబీ వ్యాధి ప్రాణాంతకం కావచ్చు.
ప్రపంచ క్షయ (TB) దినోత్సవం తేదీ
ప్రపంచ క్షయవ్యాధి (టీబీ) దినోత్సవం ఈ వ్యాధి గురించి అవగాహన పెంచడానికి, వ్యాధిని నిర్మూలించే ప్రయత్నాలను పెంచడానికి, టీబీ బారిన పడిన వారికి మద్దతును సమీకరించడానికి 24 మార్చి 2024 ఆదివారం నాడు జరుపుకుంటున్నారు. ఇలా ఆదివారం ప్రపంచ వ్యాప్తంగా ఈ రోజును జరుపుకున్నారు. ఈ ఏడాది థీమ్ ఏంటంటే.. "మేము టీబీని అంతం చేయగలము" అనేదే. ఈ రోజున డాక్టర్ రాబర్ట్ కోచ్ TBకి కారణమయ్యే బ్యాక్టీరియాను కనుగొన్నారు.
అంతర్జాతీయ క్షయ మరియు ఊపిరితిత్తుల వ్యాధికి వ్యతిరేకంగా (IUATLD) మార్చి 24ని ప్రపంచ TB దినోత్సవంగా పాటించాలని ప్రతిపాదించింది. మొదటి ప్రపంచ TB దినోత్సవం 1983లో అధికారికంగా నిర్వహించబడింది. అప్పటి నుండి, ఇది వార్షిక కార్యక్రమంగా మారింది. ఈ ఏడాదిన ప్రపంచ టీబీ దినోత్సవాన్ని పురస్కరించుకుని వివిధ సంస్థలు టీబీపై ప్రత్యేక అవగాహన కార్యక్రమాలను వారం పాటు జరుపనున్నాయి.
