ఫిఫా వరల్డ్ కప్ 2018 : బెల్జియం ఇంటికి.. ఫైనల్స్‌కు ఫ్రాన్స్

బుధవారం, 11 జులై 2018 (08:49 IST)

రష్యా వేదికగా జరుగుతున్న ఫిఫా వరల్డ్ కప్ పోటీల్లో భాగంగా మంగళవారం అర్థరాత్రి జరిగిన తొలి సెమీ ఫైనల్ మ్యాచ్‌లో బెల్జియం ఓడి టోర్నీ నుంచి నిష్క్రమించింది. అదేసమయంలో ఫ్రాన్స్ జట్టు ఫైనల్స్‌కు చేరుకుంది. ఈ మ్యాచ్‌లో ఫ్రాన్స్ జట్టు 1-0 తేడాతో విజయం సాధించింది.
<a class=france football team" class="imgCont" height="450" src="http://media.webdunia.com/_media/te/img/article/2018-07/11/full/1531279248-1936.jpg" style="border: 1px solid #DDD; margin-right: 0px; float: none; z-index: 0;" title="" width="600" />
 
ప్రిక్వార్టర్స్‌లో అర్జెంటీనా, క్వార్టర్స్‌లో ఉరుగ్వేను మట్టికరిపించిన ఫ్రాన్స్‌.. సెమీస్‌లో అదే ఉత్సాహంతో బెల్జియంను ఓడించింది. దీంతో టైటిల్‌ను అందుకోవాలన్న బెల్జియం ఆశలు ఆవిరయ్యాయి. ఇరు జట్లు హోరా హోరీగా పోరాడటంతో తొలి అర్థభాగం వరకు ఒక్క గోల్‌ కూడా నమోదు కాలేదు. ప్రత్యర్థులిద్దరూ చక్కని డిఫెన్స్‌తో ఆకట్టుకున్నారు.
 
అయితే 51వ నిమిషంలో గ్రీజ్‌మన్‌ కొట్టిన కార్నర్‌ క్రాస్‌ షాట్‌ను శామ్యూల్‌ ఉమ్‌టిటి అద్భుతమైన హెడర్‌తో బంతిని గోల్‌పోస్ట్‌లోకి పంపించాడు. దీంతో ఫ్రాన్స్‌ 1-0తో ఆధిక్యంలోకి వెళ్లింది. చివర్లో బెల్జియం గోల్‌ కోసం విపరీతంగా ప్రయత్నించినా ఫ్రాన్స్‌ గోల్‌కీపర్‌ లోరిస్‌ వారికి అడ్డుగోడలా నిలబడ్డాడు. ప్రపంచకప్‌లో ఫ్రాన్స్‌ ఫైనల్‌కు చేరడం ఇది మూడోసారి. 
 
1998 ప్రపంచకప్ సొంతం చేసుకున్న ఫ్రాన్స్… 2006లో రన్నరప్‌గా నిలిచింది. నేడు ఇంగ్లండ్‌, క్రొయేషియా తలపడే రెండో సెమీస్‌లో గెలిచిన జట్టుతో ఆదివారం మాస్కోలోని లుహినికి స్టేడియంలో ఫ్రాన్స్‌ ఫైనల్‌ ఆడనుంది. ఇక మూడో స్థానం కోసం ఓడిన జట్టుతో బెల్జియం తలపడనుంది. 



దీనిపై మరింత చదవండి :  
ఫ్రాన్స్ బెల్జియం ఫైనల్ Final ఫిఫా వరల్డ్ కప్ 2018 France Beat Belgium Fifa World Cup 2018

Loading comments ...

ఇతర క్రీడలు

news

ఫిఫా వరల్డ్ కప్ : నేడు తొలి సెమీ ఫైనల్ - ఫ్రాన్స్ వర్సెస్ బెల్జియం

రష్యా వేదికగా జరుగుతున్న ఫిఫా వరల్డ్ కప్ పోటీలు చివరి అంకానికి చేరుకున్నాయి. ...

news

ఫిఫా వరల్డ్ కప్ : రష్యా నిష్క్రమణ.. క్రొయేషియా గెలుపు

ఫిఫా వరల్డ్ కప్ పోటీల్లో భాగంగా ఆతిథ్య రష్యా జట్టు టోర్నీ నుంచి నిష్క్రమించింది. విజయం ...

news

ఫిఫా వరల్డ్ కప్ : 28 యేళ్ల తర్వాత సెమీఫైనల్స్‌కు ఇంగ్లండ్

రష్యా వేదికగా జరుగుతున్న ప్రపంచ సాకర్ పోటీల్లో భాగంగా, ఇంగ్లండ్ జట్టు 28 యేళ్ల తర్వాత ...

news

ఫిఫా వరల్డ్ కప్ : ఉరుగ్వే చిత్తు.. సెమీస్‌లో ఫ్రాన్స్

రష్యా వేదికగా జరుగుతున్న ఫిఫా వరల్డ్ సాకర్ ఫుట్‌బాల్ పోటీల్లో ఫ్రాన్స్ జట్టు విజయయాత్ర ...