మెదడు ఆరోగ్యంగా ఉండాలంటే.. వాల్ నట్స్ తీసుకోండి!
ఆలోచనలు, జ్ఞాపకశక్తి మెరుగ్గా ఉండాలంటే మెదడు చురుకుగా పని చేయాలి. మెదడు చురుకుగా పనిచేయాలంటే మెదడులోని నాడీకణాల మధ్య సమాచార మార్పిడి వేగంగా జరుగుతుండాలి. అటువంటి సమాచార మార్పిడి వేగం నాడీకణాల ఆరోగ్యంతో వస్తుంది.
ఇందుకు ఒమేగా-3 ఫ్యాటీ ఏసిడ్స్ కావాలి. ఆ తరహా ఫ్యాటీ ఏసిడ్స్‌ని సమృద్ధిగా అందించగలిగేవి వాల్ నట్స్, ఎండు పళ్ళుగా లభించే వీటి రూపం మెదడు రూపానికి దగ్గరగా ఉంటుందంటారు. ఇవి మెదడు చురుగ్గా పనిచేసేందుకు ఎంతగానో ఉపయోగపడతాయని ఆరోగ్య నిపుణులు అంటున్నారు.
