ఉపవాసంతో ఆయువు పెరుగుతుంది... తెలుసా?

చాలామంది తరచూ ఉపవాసం ఉంటుంటారు. ఇలాంటివారికి ఆయువు పెరుగుతుందని గుర్తించారు హార్వర్డ్‌ శాస్త్రవేత్తలు. కణాల్లోని మైటోకాండ్రియా నెట్‌వర్క్‌ల చర్యలను మార్చడం ద్వారా ఉపవాసం ఆయువును పెంచడంతో పాటు ఆరోగ్యాన

fasting
pnr| Last Updated: బుధవారం, 8 నవంబరు 2017 (10:21 IST)
చాలామంది తరచూ ఉపవాసం ఉంటుంటారు. ఇలాంటివారికి ఆయువు పెరుగుతుందని గుర్తించారు హార్వర్డ్‌ శాస్త్రవేత్తలు. కణాల్లోని మైటోకాండ్రియా నెట్‌వర్క్‌ల చర్యలను మార్చడం ద్వారా ఉపవాసం ఆయువును పెంచడంతో పాటు ఆరోగ్యాన్ని మెరుగుపరుస్తుందని ప్రయోగపూర్వకంగా గుర్తించారు. ఈ మైటోకాండ్రియా అనే కణాలకు అవసరమైన శక్తిని తయారు చేసే గుణం ఉంటుందని తెలిపారు.

ఈ ప్రయోగాన్ని హార్వర్డ్‌ శాస్త్రవేత్తలు నులిపురుగులపై చేశారు. రెండు వారాల పాటే బతికే ఈ నులిపురుగులకు అందే ఆహారాన్ని నియంత్రించినప్పుడు వేర్వేరు కణాల్లోని మైటోకాండ్రియాలు స్థిరంగా ఉండిపోయినట్లు గుర్తించారు. సాధారణ పరిస్థితుల్లో మైటోకాండ్రియా ఒక దశ నుంచి ఇంకోదశకు సులువుగా మారేందుకు ఈ ప్రక్రియ వీలు కల్పిస్తుందని అంచనా వేస్తున్నారు.

అంతేకాకుండా ఉపవాసం కారణంగా మైటోకాండ్రియా.. ఆక్సిజన్‌ సాయంతో కొవ్వులను మండించే భాగాలైన పెరాక్సీసోమ్స్‌ మధ్య సమన్వయం కూడా పెరిగిందని తెలిసింది. ఈ ప్రయోగంతో ఉపవాసం వల్ల శరీరంలో పేర్కొని పోయిన కొవ్వులను (కొలస్టాల్‌ను) మైటోకాండ్రియా కణాలు కరిగించడం వల్ల ఆరోగ్యంతో పాటు ఆయువు కూడా పెరుగుతుందని స్పష్టం చేశారు.


దీనిపై మరింత చదవండి :