సంతానం కలుగడం లేదా? ఈ చిట్కాలు పాటించి చూస్తే...

దంపతులలో భార్యాభర్తలిద్దరూ ఆరోగ్యంగా ఉన్నప్పుడే వారి ప్రత్యుత్పత్తి వ్యవస్థలు సరిగా పని చేసినప్పుడే సంతానం త్వరగా కలిగే అవకాశం ఉంటుంది. ఐతే స్త్రీల మాట అటుంచితే ప్రధానంగా పురుషుల్లో వీర్యం నాణ్యంగా ఉన్నప్పుడే సంతానం కలిగేందుకు ఆస్కారం ఉంటుంది. వీర్యంలో శుక్రకణాలు ఏమాత్రం యాక్టివ్‌గా లేకపోయినా లేదంటే ఉండాల్సిన సంఖ్య కన్నా శుక్రకణాలు తక్కువగా ఉన్నా దాంతో సంతాన సమస్యలు తలెత్తుతాయి. అలాంటప్పుడు వారు సరైన సూచనలు పాటించి సంతానం పొందవచ్చు. ఆ సూచనలు ఏమిటో చూద్దాం.

1. తినే ఆహారాన్ని ప్లాస్టిక్ వాటిల్లో పెట్టకూడదట. వాటిల్లో పెట్టినవి మగవారు తినడం వల్ల వీర్యం నాణ్యత తగ్గిపోతుందట.

2. చికెన్, మటన్ వంటి మాంసం కన్నా చేపలు ఎక్కువగా తినే వారిలోనే వీర్యం నాణ్యంగా ఉంటుంది. దాంతోపాటు శుక్ర కణాల సంఖ్య కూడా పెరుగుతుంది.

3. వ్యాయామం చేయని వారిలో వీర్యం సరిగా ఉండదు. రోజూ గంట పాటు వ్యాయామం చేసే వారిలో వీర్యం నాణ్యంగా ఉండి శుక్రకణాలు బాగా ఉత్పత్తి అవుతాయి. అంతేకాకుండా శుక్రకణాలు బాగా యాక్టివ్‌గా ఉంటాయి.

4. టమోటాలో ఉండే లైకోపిన్ వీర్యం మీద ప్రభావం చూపుతుందని పరిశోధనలో తేలింది. టమోటాలు ఎక్కువగా తినే వారిలో వీర్యకణాల నాణ్యత పెరుగుతుంది.

5. మందారాలను బాగా ఎండబెట్టి మెత్తని పొడిలా చేయాలి. ఈ పొడి ఆయుర్వేద షాపుల్లో కూడా దొరుకుతుంది. వీర్యకణాల సమస్యతో బాధపడేవారు ఈ మందార పొడిని రెండు స్పూన్లు నోట్లో వేసుకుని గ్లాసు పాలు తాగడం వల్ల మంచి ఫలితం కనిపిస్తుంది. ఇలా క్రమం తప్పకుండా నలభై రోజుల పాటు తీసుకుంటే వీర్యకణాల సంఖ్య పెరిగి ఆరోగ్యవంతమైన సంతానాన్ని పొందవచ్చు.

6. నువ్వులు ఆరోగ్యానికి చాలా మంచిది. వారంలో రెండుసార్లు గుప్పెడు నువ్వులను తినడం వల్ల వీర్యంలో శుక్రకణాల సంఖ్య పెరుగుతుందని నిపుణులు చెబుతున్నారు.