నా స్నేహితురాలు... లవ్ అంటే కాదన్నాను... కానీ ఇపుడు సెక్స్ చేయాలనుంది...

నా వయసు 27 ఏళ్లు. కాలేజీ చదివే రోజుల్లో నా క్లాస్ లో చదివే అమ్మాయి నాతో చనువుగా ఉండేది. ఫైనల్ ఇయర్ చదివేటపుడు ఇక కాలేజీ నుంచి వెళ్తామనగా నన్ను ప్రేమిస్తున్నానని చెప్పింది. ఆమె ప్రపోజల్ ను అప్పుడు తిరస్కరించా. ఇపుడు ఆమె ఓ మంచి కంపెనీలో స్థిరపడింది. నేను కూడా ఆమె కంపెనీకి ప్రక్కనే ఉన్న మరో కంపెనీలో ఉద్యోగంలో చేరాను. ఓసారి రోడ్డుపై కనబడి హాయ్ అని పలుకరించి వెళ్లిపోయింది. ఆమె చాలా అందంగానూ, స్టయిల్ గా మారిపోయింది. 

ఆమెతో మాట్లాడాలని రోజూ రోడ్డుపై పడిగాపులు కాస్తుంటాను. ఈమధ్య ఓరోజు హాయ్ చెప్పి టీకి పిలిచాను. ఆమె కాదనకుండా వచ్చింది. అప్పుడు గతం తాలూకు జ్ఞాపకాలు, లవ్ ప్రపోజల్ గురించి చెప్పాను. ఆమె దాని గురించి పట్టించుకోలేదు. అదంతా అప్పుడు సిల్లీగా ఏదో జరిగిపోయిందని టీ తాగేసి వెళ్లిపోయింది. కానీ నాకు మాత్రం ఆమె కావాలనిపిస్తోంది. నన్ను మాత్రం పెళ్లి చేసుకోదని అర్థమైపోయింది. కనీసం ఒక్కసారైనా ఆమెతో సెక్స్ చేయాలనిపిస్తోంది. అడిగితే ఏం చెపుతుందీ...?

మీతో జన్మలో మాట్లాడకపోవచ్చు. ఆమె మీపై ప్రేమ పెంచుకుని వ్యక్తపరిచినపుడు దూరం పెట్టేశారు. అంటే... అపుడు మీకు ఆమె నచ్చలేదు. అంటే... ఆమె అపుడు కేవలం చదువుకునే దశలో మాత్రమే ఉంది. ఇపుడు మంచి ఉద్యోగంలో స్థిరపడింది. ఇపుడు కూడా మీరు పిలిస్తే మిమ్మల్ని పట్టించుకోకుండా వెళ్లిపోవచ్చు. కానీ సాటి మనిషిగా మీతో టీ తాగేందుకు వచ్చింది. ప్రేమ గురించి ఇప్పుడు మీరు కొత్త కబుర్లు చెప్పినా ఆమె అనుభవంలో మీరు తనను కాదన్న వ్యక్తిగా మిగిలి ఉన్నారు. కాబట్టి మీరు ఇప్పుడు ఆమె నుంచి ప్రేమనే కాదు ఏదీ ఆశించజాలరు. పైగా పెళ్లి చేసుకోవాలనే ఆలోచన చేయకుండా ఆమెతో సెక్సులో పాల్గొంటే చాలు అని మీరు అనుకోవడాన్ని చూస్తే అది కామ కోర్కె అని అనుకోవాల్సి వస్తుంది.