చలికాలంలో కోల్డ్ క్రీమ్ ఉపయోగాలు... పలువిధాలు
చలికాలంలో వాతావరణంలో తేమ శాతం తక్కువగా ఉండటం వలన చర్మం పొడిబారి పోతుంది. దాంతో పగుళ్లు రావడం, దురదలు వంటి సమస్యలు చాలామందిని వేధిస్తాయి. దీనికి పెట్రోలియమ్ జెల్లీ, బాడీ లోషన్ రాయడం వల్ల చాలా మందికి సమస్య తీరిపోతుంది. అయితే కొద్దిమందిలో చర్మ సమస్యలు తీవ్రంగా మారతాయి. అటువంటి వారు ప్రతి రోజూ రాత్రి పడుకోబోయే ముందు కోల్డ్ క్రీమ్ రాసుకున్నారంటే శరీరంలో పగుళ్లు ఏర్పడవు. చర్మం మృదువుగా తయారవుతుంది.
ముఖ్యంగా చలికాలంలో పెదవులు ఎక్కువ పగిలిపోతాయి. రాత్రి పడుకునే ముందు పెదాలకు మీగడ లేదా వెన్న రాసుకుంటే మెత్తబడతాయి. చలికాలంలో పెదవులు పగిలిపోయినట్లు అనిపిస్తే... నాలుకతో తడి చేసుకోకూడదు. అలా చేస్తే పెదవులు ఎండిపోయి చర్మం మొద్దుబారిపోతుంది. అందువల్ల పెదాలకు కోల్డ్ క్రీమ్ రాసుకున్నారంటే పగిలిపోకుండా మృతువుగా ఉంటాయి.
చలికాలంలో చేతులపైన కాళ్ళపైన పగుళ్ళు అధికంగా ఏర్పడుతాయి. ఇప్పుడు కనుక సరైజ జాగ్రత్తలు తీసుకోకపోతే తర్వాత ముడుతలు, చర్మం మీద గీతలు అలాగే ఉండిపోతాయి. కాబట్టి కాళ్ళు చేతులకు కూడా కోల్డ్ క్రీమ్ రాయండి.
సాధారణంగానే కొందరి పాదాలలో పగుళ్లు ఉంటాయి. అవి చలికాలంలో మరింత పగిలి, బీటవారిపోతాయి. కొన్ని సందర్భాల్లో రక్తం కూడా కారుతుంది. అటువంటి సమస్యతో బాధపడేవారు. రాత్రి పడుకోబోయే ముందు పాదాలను శుభ్రంగా నీటితో కడిగి కోల్డ్ క్రీమ్ రాసుకుని పడుకున్నారంటే పాదాల పగుళ్లు కొంత మేరకు తగ్గుతాయి.
ఫేస్ క్రీములు, బాడీలోషన్ల గురించి చాలా మందికి తెలుసు. తెలియని వారుంటే వారు, చలికాలంలో కోల్డ్ క్రీమ్ రాయడం వల్ల శరీరానికి మంచి మాయిశ్చరైజర్ గా పనిచేస్తుంది. శీతాకాలంలో పురుషులు షేవింగ్ క్రీమ్‌కు బదులు కోల్డ్ క్రీమ్‌ను ఉపయోగించవచ్చు.
