గాజా శరణార్థుల శిబిరంపై ఇజ్రాయేల్ దాడి.. ఒకే కుటుంబం-19 మంది మృతి
గాజా శరణార్థుల శిబిరంపై ఇజ్రాయెల్ జరిపిన దాడిలో అల్ జజీరా సిబ్బంది కుటుంబానికి చెందిన 19 మంది మరణించారు. ఇజ్రాయెల్ డిఫెన్స్ ఫోర్సెస్ జరిపిన వైమానిక దాడిలో ఓ కుటుంబానికి చెందిన 19 మందిని హతమార్చారు.
తండ్రి, ఇద్దరు సోదరీమణులు, 8 మంది మేనల్లుళ్లు, మేనకోడళ్లు, అతని సోదరుడు, అతని సోదరుడి భార్య, నలుగురు పిల్లలు, అతని కోడలు, మామ మరణించారని అల్ జజీరా వార్తా సంస్థ తెలిపింది.
ఉత్తర గాజా స్ట్రిప్‌లోని జబాలియా శరణార్థి శిబిరంలోని ఇళ్లపై ఇజ్రాయెల్ దాడులు జరిగిన ప్రదేశంలో పాలస్తీనియన్లు క్షతగాత్రుల కోసం వెతుకుతున్నారు. గాజా స్ట్రిప్‌లోని జనసాంద్రత కలిగిన జబాలియా శరణార్థి శిబిరం వద్ద ఇజ్రాయెల్ జరిపిన వైమానిక దాడిలో తమ సిబ్బంది మహ్మద్ అబూ అల్-కుమ్సన్ 19 మంది కుటుంబ సభ్యులు మరణించారని అల్ జజీరా బుధవారం నివేదించింది.
ఈ దాడిలో కనీసం 50 మంది పాలస్తీనియన్లు, హమాస్ కమాండర్ మరణించినట్లు భావిస్తున్నారు. అల్ జజీరా తన టీవీ ఇంజనీర్ మహ్మద్ అబు అల్ కుమ్సాన్ కుటుంబంలోని 19 మందిని చంపిన ఇజ్రాయెల్ బాంబు దాడిని హేయమైన చర్యగా ఖండించింది. పౌరులపై దాడులకు ఇజ్రాయెల్ బాధ్యత వహించాలని అల్ జజీరా నొక్కి చెప్పింది.
