ఆకాశంలో 28న అత్యంత అరుదైన తోక చుక్క.. మన కళ్లతో చూడొచ్చు
ఆకాశంలో తోకచుక్కలు కనిపించడం అరుదు. జీవితకాలంలో ఒక్కసారే వచ్చే అత్యంత అరుదైన క్షణమని, అంతరిక్ష కేంద్రం నుంచి వీడియో తీసి నాసా వ్యోమగామి పంపారు. ఈ నెల 28న అత్యంత అరుదైన తోక చుక్క కనిపించనుందని నాసా శాస్త్రవేత్తలు తెలిపారు.
ప్రపంచంలో ఏ మూలన ఉన్నా కూడా ఈ తోకచుక్కను ఎలాంటి పరికరాల అవసరం లేకుండానే నేరుగా మన కళ్లతో చూడొచ్చని తెలిపారు.
బైనాక్యులర్‌తో చూస్తే మరింత స్పష్టంగా కనిపిస్తుందని చెప్పారు. ఈ నెల 28న ఆకాశంలో కనువిందు చేసే ఈ తోకచుక్క అక్టోబర్ 10న కూడా కనిపించే అవకాశం ఉందని పరిశోధకులు చెబుతున్నారు.
ప్రస్తుతం ఈ తోకచుక్క మరోసారి భూమికి దగ్గరగా రానుందని, శుక్రవారం తెల్లవారుజామున ఆకాశంలో ప్రకాశవంతంగా కనిపిస్తుందని చెప్పారు. దాదాపు 80 వేల సంవత్సరాల క్రితం మన పూర్వీకులు చూసిన ఓ తోక చుక్క మళ్లీ ఇప్పుడు దర్శనమివ్వబోతోందన్నారు.
