నాసా అద్భుతమైన చిత్రం.. గుమ్మడి రసం మాదిరి వుందిగా..!
అమెరికా అంతరిక్ష సంస్థ (నాసా) ఓ అద్భుతమైన చిత్రాన్ని షేర్ చేసింది. ఇది గుమ్మడి రసం మాదిరిగా ఉంది. అందుకే దీనిని జుర్రేయండి అంటూ ట్వీట్ చేసింది. ''పంప్‌కిన్ స్పేస్ లాటే ఎనీవన్'' అని ఊరించింది. ఇది నక్షత్రాలకు తగినదని పేర్కొంది.
ఆస్ట్రనాట్ స్కాట్ కెల్లీ దీనిని ఇంటర్నేషనల్ స్పేస్ స్టేషన్ (ఐఎస్ఎస్) నుంచి తీశారని పేర్కొంది. పాల మీగడ వంటి మేఘాలు, కాలిన నారింజ పండ్ల రంగు, గాఢమైన ఎరుపుదనం కలగలిసి ఓ క్లాసిక్ ఆటమ్న్ డ్రింక్‌ను గుర్తు చేసే ఈ చిత్రంలో కనిపిస్తున్నది ఆస్ట్రేలియా అని తెలిపింది. ఇక ఆలస్యం చేయకుండా తాగేయండి అని పేర్కొంది.
ఈ ఫొటోకు ఎనిమిది లక్షలకు పైగా లైక్‌లు వచ్చాయి. లెక్కలేనన్ని కామెంట్స్ వస్తున్నాయి. చాలామంది ఇది చాలా అద్భుతంగా ఉందని కామెంట్లు చేస్తున్నారు. ఓ ఇన్‌స్టాగ్రామ్ యూజర్ ''స్పేస్ స్పైస్ అండ్ ఆల్ థింగ్స్ నైస్'' అని కామెంట్ పెట్టారు.
దీనికి నాసా స్పందిస్తూ ఓ స్మైలీ ఎమోజీని పెట్టింది. యూరోపియన్ స్పేస్ ఏజెన్సీకి చెందిన ఎర్త్ అబ్జర్వేషన్ కూడా ఓ ట్వీట్‌లో స్పందించింది. ''యెస్ ప్లీజ్! యూరోప్‌కు త్వరగా డెలివరీ చెయ్యండి'' అని కోరింది. దీనిపై నాసా స్పందిస్తూ, ''కమింగ్ రైట్ అప్'' అని పేర్కొంది.
