ఫ్లోరిడా పోలీసులు చేసిన తప్పుకు ఎన్నారైకు శిక్ష... ఎలా?

కేవలం సీసీటీవీ ఫూటేజీతో ఒక వ్యక్తిపై నిందమోపి అతని జీవితానికి తీరని నష్టాన్ని మిగిల్చారు. ఓ ప్రవాస భారతీయుడి విషయంలో ఇలా జరిగింది. తాను నేరస్తుడిని కాదని ఎంత మొత్తుకున్నా వినకుండా అరెస్ట్ చేసి జైల్లో పడేశారు. చివరికి నిజం తెలుసుకునే సరికి తన కుటుబం తీవ్రంగా నష్టపోయింది. 

ఫ్లోరిడాలో ఇటీవల స్పాల పేరుతో అమ్మాయిలను రప్పించి వ్యభిచార గృహాలను నడుపుతున్న పలువురి నిందితులను పోలీసులు అరెస్ట్ చేశారు. కేసు దర్యాప్తులో ఆనేక విషయాలు బయటపడ్డాయి. ఇది చాలా పెద్ద కుంభకోణం అని రుజువైంది. అరెస్ట్ అయిన వారిలో ఎన్నారై సందీప్ పాటిల్ కూడా ఉన్నారు. 

ఓ స్పాలో లభించిన సీసీ టీవీ ఫూటేజీలో అతను కూడా ఉన్నాడని ఆరోపిస్తూ అతడిని అదుపులోకి తీసుకున్నారు. తాను నేరం చేయలేదని ఎంత వాదించినా వినకుండా అరెస్టు చేసి జైల్లో పడేశారు. వీడియో రికార్డయిన సమయంలో తాను అక్కడ లేనని, చికాగోలో ఉన్నానని బాధితుడు మొరపెట్టుకున్నాడు. 

కానీ విచారణలో పోలీసులదే పొరపాటు అని తేలింది. ఫూటేజీలో ఉన్నది సందీప్ పాటిల్ కాదని నిర్ధారించారు. కానీ ఎన్నారై మాత్రం తన కుటుంబానికి భారీ నష్టం కలిగిందని తన ఇద్దరు కూతుళ్లకు తన ముఖం ఎలా చూపాలని వాపోతున్నాడు. అంతే కాకుండా వ్యభిచారం కేసులో ఇరుక్కున్న తన కూతుళ్లను ఎవరు పెళ్లి చేసుకుంటారని ఆవేదన చెందుతున్నారు. దీనికి ప్రభుత్వం పరిహారం చెల్లించక తప్పదని డిమాండ్ చేశారు.