సౌత్ సూడాన్లో రోడ్డు ప్రమాదం : 56 మంది దుర్మరణం!
దక్షిణ సూడాన్ లో ఘోర రోడ్డు ప్రమాదం సంభవించింది. ఓ మినీ బస్సు ఎదురుగా వస్తున్న ట్రక్ ను ఢీ కొట్టిన ప్రమాదంలో 56 మంది దుర్మరణం పాలయ్యారు. దక్షిణ సూడాన్ ప్రధాన రహదారిపై ఈ ఘోరం చోటు చేసుకుంది. అయితే, మినీ బస్సులో సామర్థ్యానికి మంచి ప్రయాణికులు ఉండటంతో మృతుల సంఖ్య మరింతగా పెరిగే అవకాశం ఉందని సహాయక చర్యలు చేపట్టిన అధికారులు చెపుతున్నారు.
క్షతగాత్రులను ఆస్పత్రులకు తరలించి చికిత్స అందిస్తున్నామని... ఈ ప్రమాదంలో మరణించిన మృతదేహాలను ఇప్పటికే పోస్ట్ మార్టం నిమిత్తం అస్పత్రికి తరలించామని తెలిపారు. దక్షిణ సూడాన్ నుంచి పొరుగు దేశాలకు కలిపే జాతీయ రహదారులపై నిత్యం ట్రాఫిక్ రద్దీతో కిటకిటలాడుతుంది. ఈ కారణంగా ఈ రహదారిపై రోడ్డు ప్రమాదాలు ఎక్కువగా జరుగుతూ ఉంటాయి.
