Trump To Visit China?: చైనాలో పర్యటించనున్న డొనాల్డ్ ట్రంప్
చైనా అధ్యక్షుడు జిన్‌పింగ్‌తో టెలిఫోన్ సంభాషణ తర్వాత తాను చైనాను సందర్శిస్తానని అమెరికా అధ్యక్షుడు డొనాల్డ్ ట్రంప్ అన్నారు. ఫోన్ కాల్ తర్వాత, చర్చల సందర్భంగా వైట్‌హౌస్‌కు ఆహ్వానం పంపినట్లు ట్రంప్ చెప్పారు. అయితే, ఇరు పక్షాలు ఇంకా అలాంటి పర్యటనను ధృవీకరించలేదు.
ఫిబ్రవరిలో ట్రంప్ బీజింగ్‌తో సుంకాల యుద్ధం ప్రారంభించిన తర్వాత ఇద్దరు నాయకులు మొదటిసారి ఒకరితో ఒకరు మాట్లాడుకున్నారు. చైనా మీడియా ప్రకారం, వైట్ హౌస్ అభ్యర్థన మేరకు ఈ కాల్ జరిగింది. గంటన్నర పాటు జరిగిన ఈ సంభాషణ ప్రధానంగా వాణిజ్యంపై దృష్టి సారించింది. ఇంకా రెండు దేశాలకు చాలా సానుకూల ముగింపుకు దారితీసింది" అని ట్రంప్ సోషల్ మీడియాలో ఒక పోస్ట్‌లో పేర్కొన్నారు.
"జిన్పింగ్ నన్ను చైనాకు ఆహ్వానించారు. నేను జిన్పింగ్ ఇక్కడికి ఆహ్వానించాను" అని ఓవల్ కార్యాలయంలో జర్మన్ ఛాన్సలర్ ఫ్రెడరిక్ మెర్జ్‌ను కలిసిన సందర్భంగా అమెరికా అధ్యక్షుడు అన్నారు. చైనాలో తాము పర్యటిస్తామని, అలాగే జిన్పింగ్ కూడా అమెరికాలో పర్యటిస్తారని ట్రంప్ చెప్పుకొచ్చారు.
ఇటీవల జెనీవాలో జరిగిన ఒప్పందంపై ఇరు దేశాలు కుదుర్చుకున్న ఏకాభిప్రాయానికి చైనా ఎల్లప్పుడూ కట్టుబడి ఉంటుందని, ఇరు దేశాలు తమ హామీని నిలబెట్టుకుంటాయని ట్రంప్‌తో జిన్పింగ్ చెప్పినట్లు టాక్. సుంకాలను గణనీయంగా తగ్గించే లక్ష్యంతో ఒప్పందాన్ని ఉల్లంఘించినందుకు ఇరుపక్షాలు ఒకరినొకరు నిందించుకున్న సంగతి తెలిసిందే.
