Widgets Magazine

రెండు గంటల్లోనే 9లక్షల కోట్లు నష్టపోయిన ఫేస్‌బుక్‌.. ఎలాగంటే?

గంటల వ్యవధిలోనే 21శాతం నష్టపోయింది.. సోషల్ మీడియా అగ్రగామి ఫేస్‌బుక్. గురువారం ఫేస్‌బుక్ షేర్లు పడిపోయాయి. ఫలితంగా 130 బిలియన్ డాలర్లు ఆవిరైపోయాయి. అంటే రెండు గంటల్లోనే 9లక్షల కోట్లు నష్టపోయింది. దీంత

Selvi| Last Updated: గురువారం, 26 జులై 2018 (14:13 IST)
గంటల వ్యవధిలోనే 21శాతం నష్టపోయింది.. సోషల్ మీడియా అగ్రగామి ఫేస్‌బుక్. గురువారం ఫేస్‌బుక్ షేర్లు పడిపోయాయి. ఫలితంగా 130 బిలియన్ డాలర్లు ఆవిరైపోయాయి. అంటే రెండు గంటల్లోనే 9లక్షల కోట్లు నష్టపోయింది. దీంతో ఫేస్‌బుక్ సీఈవో జుకెర్ బర్గ్ సంపద 16.8 బిలియన్ డాలర్లు తరిగిపోయింది. ఇలా జుకర్ బర్గ్ సంపదనలో ఐదో వంతు కోల్పోవడం ఇదే తొలిసారి. 
 
గతంలో కేంబ్రిడ్జ్ అనలిటికా డేటా స్కామ్‌పై ప్రపంచవ్యాప్తంగా తీవ్ర విమర్శలు ఎదుర్కొంటున్న ఫేస్‌‌బుక్ లాభాలు ఏడాదిలో 47 శాతం నుంచి 44 శాతానికి పడిపోయాయి. గత మూడేళ్లలో ఫేస్‌‌బుక్‌‌కు ఇదే అతి తక్కువ వృద్ధిరేటు. గడిచిన ఆర్థిక సంవత్సరంలో ఫేస్‌‌బుక్ లాభం 510 కోట్ల డాలర్లుగా నమోదైంది. అంటే షేరుకు 1.74 డాలర్ల మేర లాభాలు సాధించింది. రోజువారీ ఫేస్‌బుక్ యూజర్ల సంఖ్య 147 కోట్లుగా ఉంది.
 
తాజాగా ఫేస్‌‌బుక్ షేర్లు గురువారం మరింత పతనమైతే బ్లూమ్‌ బర్గ్ బిలియనీర్స్ ఇండెక్స్‌‌లో జుకెర్‌ బర్గ్ మూడు నుంచి ఆరోస్థానానికి పడిపోతారని.. అదే జరిగితే జుకెర్‌ బర్గ్ సంపద ఏడు వేల కోట్ల డాలర్ల కంటే తక్కువకు చేరుతుందని రిపోర్ట్ వెల్లడించింది. 


దీనిపై మరింత చదవండి :