Widgets Magazine

ఆగష్టు 12న శుక్రవారం వరలక్ష్మి వ్రతం ఆచరించవచ్చు... పుష్క‌ర అడ్డంకి లేదు!

గురువారం, 11 ఆగస్టు 2016 (22:24 IST)

విజ‌య‌వాడ‌: చరిత్రలోనే తొలిసారిగా కృష్ణా పుష్కర ప్రారంభపు రోజైన 12 ఆగష్టు 2016 న వరలక్ష్మి వ్రతం రావటం విశేషం. ఈ రోజున వరలక్ష్మి వ్రతం ఆచరించకూడదని మరొక రోజున ఆచరించాలని అనేకమంది చెబుతున్నారు. కానీ, పుష్కర ప్రారంభ రోజున వరలక్ష్మి వ్రతం ఆచరించకూడదనే శాస్త్ర నియమం ఎక్కడా లేనే లేద‌ని విజ‌య‌వాడ‌కు చెందిన‌ ప్ర‌ముఖ జ్యోతిష శాస్త్ర పండితుడు ఎన్.వి.ఎల్.ఎస్. ప్ర‌సాద్ తెలిపారు. 
varalakshmi
 
సహజంగా పితృకార్యము ఉన్న రోజున ఓ పర్వదినం వస్తే... పితృ కార్యానికే (ఆబ్దికం లేక శ్రాద్ధం లేక తద్దినం) తొలి ప్రాధాన్యత ఇవ్వటమనేది సంప్రదాయం. ఈ సంవత్సరం శ్రావణ శుక్ల నవమి రోజున వరలక్ష్మి వ్రతం వచ్చింది. ఒకవేళ ఎవరైనా శ్రావణ శుక్ల నవమి నాడు మరణించి ఉంటే, వారి సంతానం ఆ ఆబ్దికాన్ని ప్రతి సంవత్సరం వచ్చే ఆ శ్రావణ శుక్ల నవమి నాడు ఆచరిస్తారు. కాబ‌ట్టి ఆ తిథి నాడు మరణించి, ప్రస్తుతం ఈ సంవత్సరం ఆ తిథి నాడు ఆబ్దికం నిర్వహించుకొనే వారు మాత్రమే వరలక్ష్మి వ్రతాన్ని ఆచరించకూడదు. మిగిలిన వారందరూ నిరభ్యంతరంగా వ్రతాన్ని ఆచరించవచ్చు.
 
తమతమ పితరులకు తర్పణ, పిండ ప్రదానాదులు పుష్కరాలు జరిగే 12 రోజులలో ఆచరించవచ్చు. శ్రావణ శుక్ల నవమి నాడు ఉన్న పితృ కార్యాలు మాత్రం ఆగస్టు 12నే నిర్వహించుకోవాలి. గుంటూరు, కృష్ణ జిల్లాల వాసులు వరలక్ష్మి వ్రతం ఆచరించరాదని ఈ జిల్లాలలో ఉన్న పండితులు చెబుతున్నారు. పండితులు లేకుండా పుష్కర 12 రోజులలో తర్పణ, పిండ ప్రదానాదులు ఆచరించలేరు. కాబ‌ట్టి వారి హాజరు తప్పనిసరి. ఈ నేపథ్యంలో ఈ విధంగా చెపుతున్నారు. కానీ ప్రస్తుత రోజులలో వరలక్ష్మి వ్రతాన్ని పండితులు లేకుండానే ఎవరికీ వారే వారి వారి గృహాలలో చక్కగా ఆచరించుకుంటున్నారు. 
 
ఒకవేళ అలా నిర్వహించుకోలేని వారు తోటి స్త్రీల సహాయ సహకారములతోనైనా వ్రతాన్ని ఆచరించుకోవటానికి ప్రయత్నించండి. చరిత్రలో మొట్టమొదటిసారిగా ప్రకృతి రాశి అయినా కన్యా రాశిలోకి దేవ గురువైన బృహస్పతి రాక రోజునే వరలక్ష్మి వ్రతం వచ్చింది కనుక... ఇంతటి మహత్తరమైన అవకాశాన్ని, పండితులు లభ్యం కాలేదనే కారణంతో వాయిదా వేసుకోవద్దు. కాబట్టి ఇట్టి అరుదైన విశేష పర్వదినాన్ని భక్తి విశ్వాసాలతో ఆచరించండి. ఆగష్టు 12 చేయకూడదు అన్న వారంద‌రికీ ఈ విష‌యాన్ని తెలియ‌జేయాల్సిన అవ‌స‌రం ఉంది.


Widgets Magazine
Widgets Magazine

దీనిపై మరింత చదవండి :  

Loading comments ...

ఆధ్యాత్మికం వార్తలు

news

పుష్క‌ర పురోహితులు వ‌చ్చేశారు... గుర్తింపు కార్డులు ఏవీ?

విజయవాడ : కృష్ణా పుష్కరాల్లో ప్రధాన భూమిక పోషించే బ్రాహ్మణులు వివిధ జిల్లాల నుంచి విజయవాడ ...

news

శ్రీవారి నమూనా ఆలయాన్ని సందర్శించిన సీఎం చంద్ర‌బాబు

విజ‌య‌వాడ ‌: కృష్ణా పుష్కరాల సందర్భంగా తితిదే విజయవాడలోని పిడబ్ల్యుడి మైదానాల్లో ఏర్పాటు ...

news

కృష్ణా పుష్కరాలు 2016... ఏ వాహ‌నం, ఎక్క‌డ నిల‌పాలి...?

విజ‌య‌వాడ‌: కృష్ణా పుష్కరాలకు వివిధ ప్రాంతాల నుంచి విజయవాడకు వచ్చే బస్సులు, రైళ్లను ...

news

కృష్ణా పుష్కర స్నానం శుక్రవారం ఉ.5.54 ప్రారంభం... ప్రతి 3 నిమిషాలకు ఓ ఉచిత ఆర్టీసి బస్సు

కృష్ణా పుష్కరాల ప్రారంభ ముహూర్తం ఆగస్టు 12వ తేదీ ఉదయం 5.54 గంటలకు ప్రారంభించాలని తిరుమల ...

Widgets Magazine