ఛలోక్తులు విసురుతూ నవ్వుతూ ఉండే అబ్బాయిలంటే?
ఆత్మ విశ్వాసం, నవ్వుతూ కనబడే అబ్బాయిలను చూస్తే అమ్మాయిలు తప్పకుండా ఇంప్రెస్ అవుతారని మానసిక నిపుణులు అంటున్నారు. బాధ్యత కలిగిన అబ్బాయిలు తమను సురక్షితంగా చూసుకుంటారనే నమ్మకం అమ్మాయిల్లో ఎక్కువగా ఉందని ఆస్ట్రేలియాలోని ఓ యూనివర్సిటీ నిర్వహించిన సర్వేలో తేలింది.
ఇంకా ఈ సర్వేలో ఆసక్తికర విషయాలు వెలుగులోకి వచ్చాయి. ఛలోక్తులు విసురుతూ హాస్యపూరకంగా వుండే అబ్బాయిలని అమ్మాయిలు బాగా ఇష్టపడతారు. హ్యూమరస్‌గా ఉండే అబ్బాయిలను ఎందుకు ఇష్టపడతారంటే... వారిలో ఉండే 8 లక్షణాలు అమ్మాయిలను బాగా ఆకర్షస్తున్నాయట.
అవేమిటంటే .. ఫన్నీగా ఉండడం, క్రియేటివ్‌గా ఉండడం, ఆత్మవిశ్వాసం కలిగి ఉండడం, సమ్మోహనంగా ఉండడం, నవ్వుతూ నవ్విస్తూ ఉండడం, అందరితో కలసిపోవడం, మంచి పరిశీలనా శక్తి కలిగి ఉండడం, బాధ్యతగా వ్యవహరించడం.. ఈ లక్షణాలు అబ్బాయిల్లో ఉంటే అమ్మాయిలు వారి వెంట కచ్చితంగా పడతారని సర్వేలో తేలింది.
