బెంగళూరులో 42 కేసులు నమోదు.. 64మంది అరెస్ట్

బెంగళూరులో గత నెలలో 42 గంజాయి, డ్రగ్స్ కేసులు నమోదయ్యాయి. ఈ కేసుకు సంబంధించి 10 మంది విదేశీయులు సహా 64 మంది నిందితులను అరెస్టు చేసినట్లు బెంగళూరు నగర పోలీసు కమిషనర్ బి దయానంద తెలిపారు. 

బెంగళూరు నగరంలో విలేకరుల సమావేశంలో ఆయన మాట్లాడుతూ 140 కిలోల గంజాయి, 1 కిలో గంజాయి నూనె, 609 గ్రాముల నల్లమందు, 770 గ్రాముల హెరాయిన్, 2.436 కిలోల చరస్, 509 గ్రాముల కొకైన్, 5.397 కిలోల ఎండీఎంఏ, 2569 ఎల్‌ఎస్‌డి స్ట్రిప్, 11,908 ఎక్స్‌టసీ పిల్స్‌ను స్వాధీనం చేసుకున్నారు అరెస్టయిన నిందితుల నుంచి 6.725 కిలోల యాంఫెటమైన్‌ను స్వాధీనం చేసుకున్నారు. 

సీసీబీ అధికారులపై వచ్చిన ఆరోపణలపై ఆయన మాట్లాడుతూ.. రేవ్ పార్టీ కేసును విచారించిన సీసీబీ.. కోర్టుకు చార్జిషీట్ సమర్పించిందని తెలిపారు. సీసీబీ అధికారులు విచారణ చేపట్టారు. విచారణ చేపట్టిన అధికారులపై ఫిర్యాదులు అందాయి. అందిన ఫిర్యాదులను వివిధ ఏజెన్సీలు విచారిస్తున్నాయి. దర్యాప్తు నుంచి తప్పించుకునేందుకే నిందితులు ఇలా చేశారని అన్నారు.