51 ఏళ్ల మహిళపై అత్యాచారం.. ఆపై ఫోనులో వేధింపులు.. ఎమ్మెల్యే అరెస్ట్
నోటికొచ్చినట్లు మాట్లాడటం.. తమకు తోచింది చేసుకుంటూ పోవడం ప్రజాప్రతినిధుల ఫ్యాషనైపోయింది. ప్రజా ప్రతినిధులై వుండి.. ప్రజలకు రక్షణగా వుండాల్సిందిపోయి... నేరాలకు పాల్పడుతున్నారు.
నోటికొచ్చినట్లు మాట్లాడటం.. తమకు తోచింది చేసుకుంటూ పోవడం ప్రజాప్రతినిధుల ఫ్యాషనైపోయింది. ప్రజా ప్రతినిధులై వుండి.. ప్రజలకు రక్షణగా వుండాల్సిందిపోయి... నేరాలకు పాల్పడుతున్నారు. తాజాగా కేరళకు చెందిన కాంగ్రెస్ ఎమ్మెల్యే అత్యాచార కేసులో అరెస్టయ్యాడు. వివరాల్లోకి వెళితే.. కేరళకు చెందిన కాంగ్రెస్ ఎమ్మెల్యే ఎం. విన్సెంట్‌ను 51 ఏళ్ల మహిళపై అత్యాచారానికి పాల్ప‌డిన నేరం కింద అరెస్ట్ చేశారు.
ఇంకా అత్యాచారానికి అనంతరం విన్సెంట్ అత్యాచార బాధితురాలిని మానసికంగా వేధించినట్లు సమాచారం. తరచూ ఫోనులో తన భార్యను వేధించేవాడని బాధితురాలి భర్త ఆరోపించాడు. అంతేగాకుండా.. విన్సెంట్ వేధింపులు తాళలేక బాధితురాలు ఆత్మహత్యాయత్నానికి పాల్పడినట్లు కొల్లం సిటీ పోలీసులు వెల్లడించారు.
బాధితురాలి ఫిర్యాదు మేర‌కు విన్సెంట్‌ను తిరువ‌నంత‌పురంలో అరెస్ట్ చేశారు. కోవ‌లం నియోజ‌క‌వ‌ర్గ కాంగ్రెస్ ఎమ్మెల్యే ఎం.విన్సెంట్‌పై ఐపీసీ 376 ప్ర‌కారం కేసు న‌మోదు చేసిన‌ట్లు కొల్లం సిటీ పోలీసు క‌మిష‌న‌ర్ అజీతా బేగం తెలిపారు.
