గురువారం, 28 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By pnr
Last Updated : సోమవారం, 27 ఫిబ్రవరి 2017 (20:00 IST)

కదిలే బస్సులు, కారుల్లోనే కాదు... ఎగిరే విమానాల్లోనూ స్త్రీలపై కామాంధుల లైంగిక వేధింపులు

మహిళలకు ఏమాత్రం రక్షణ లేదనే విషయం దేశవ్యాప్తంగా జరుగుతున్న వివిధ సంఘటనలు రుజువు చేస్తున్నాయి. కేవలం భూమ్మీదే కాదు.. నింగిలోనూ ఇదే పరిస్థితి నెలకొనివుంది. తాజాగా ఇద్దరు ఎయిర్ హోస్టెస్‌‌లు విమానంలో లైంగ

మహిళలకు ఏమాత్రం రక్షణ లేదనే విషయం దేశవ్యాప్తంగా జరుగుతున్న వివిధ సంఘటనలు రుజువు చేస్తున్నాయి. కేవలం భూమ్మీదే కాదు.. నింగిలోనూ ఇదే పరిస్థితి నెలకొనివుంది. తాజాగా ఇద్దరు ఎయిర్ హోస్టెస్‌‌లు విమానంలో లైంగికవేధింపులకు గురయ్యారు. తాజాగా వెలుగులోకి వచ్చిన ఈ వివరాలను పరిశీలిస్తే... 
 
మధ్యప్రదేశ్‌లోని బాలఘాట్‌కి చెందిన 23 ఏళ్ల ఆకాశ్ గుప్త ఇటీవల గోవా వెళ్లాడు. ఈయన ఓ హార్డ్‌వేర్ ట్రేడర్. ముంబై నుంచి నాగ్‌పూర్‌ మధ్య నడిచే జెట్‌ఎయిర్‌వేస్ విమానంలో ముంబై ఎయిర్‌పోర్టులో నాగ్‌పూర్ విమానం ఎక్కాడు. విమానం ఎక్కే ముందే తప్పతాగిన అతడు... తనకు భోజనం వడ్డిస్తున్న ఇద్దరు ఎయిర్ హోస్టెస్‌లను చెయ్యిపట్టి లాగాడు. 
 
అడ్డుకోబోయిన ఇతర సిబ్బందితోనూ వాగ్వాదానికి దిగాడు. దీంతో వారంతా కెప్టెన్‌ దృష్టికి తీసుకెళ్లగా... ఈయన పోలీసులకు ఫిర్యాదు చేశారు. దీంతో రంగంలోకి దిగిన పోలీసులు... అరెస్టు చేసి కోర్టులో హాజరుపరిచారు. ప్రస్తుతం మేజిస్ట్రీరియల్ కస్టడీలో ఉన్న గుప్తపై ఐపీసీ సెక్షన్ 354 కింద కేసు నమోదైంది.