రోడ్డు ప్రమాదంలో తల్లి చనిపోయింది.. పిల్ల కోతి గుండెలపై చెవి ఆనించి.. ఏం చేసిందో తెలుసా?

తమిళనాడు-కర్ణాటక జాతీయ రహదారిపై ఎలంతూరు వద్ద శుక్రవారం హృదయ విదారక ఘటన చోటుచేసుకుంది. రోడ్డు దాటుతున్న కోతిని వేగంగా వెళ్తున్న వాహనం ఢీకొట్టడంతో అది అక్కడికక్కడే ప్రాణాలు కోల్పోయింది. అచేతనంగా పడివున్

తమిళనాడు-కర్ణాటక జాతీయ రహదారిపై ఎలంతూరు వద్ద శుక్రవారం హృదయ విదారక ఘటన చోటుచేసుకుంది. రోడ్డు దాటుతున్న కోతిని వేగంగా వెళ్తున్న వాహనం ఢీకొట్టడంతో అది అక్కడికక్కడే ప్రాణాలు కోల్పోయింది.

అచేతనంగా పడివున్న తల్లి వద్దకు చేరుకున్న పిల్ల కోతి తల్లిని పట్టుకుని కదిలించింది. తట్టి లేపింది. ఎంతకీ లేవకపోవడంతో దాని గుండెలపై చెవి ఆనించి గుండె చప్పుడు కూడా విన్నది. స్పందన లేకపోవడంతో ఒక్కసారిగా కన్నీళ్లు పెట్టుకుంది.

ఈ ఘటన చూసిన వారంతా కంటి వెంట నీళ్లు పెట్టుకున్నారు. తద్వారా ప్రేమ, ఆప్యాయత, అనుబంధం మనుషుల్లోనే కాదు.. తమలోనూ ఉంటాయని నిరూపించింది ఆ పిల్ల వానరం. ఘటనా స్థలానికి చేరుకుని పిల్ల వానరాన్ని బలవంతంగా అక్కడి నుంచి తరిమి తల్లి మృతదేహాన్ని తీసి గ్రామస్తులకు అప్పగించారు. వారు దానికి అంత్యక్రియలు నిర్వహించారు. తల్లి మృతదేహాన్ని తీసుకెళ్తున్నప్పుడు కూడా పిల్ల కోతి వారిని వెంబడించింది.