మహిళలపై ఆగని అకృత్యాలు.. అంగవైకల్యంతో కూడిన బాలికపై..?

కరోనా వైరస్ నేపథ్యంలో దేశ వ్యాప్తంగా లాక్ డౌన్లు కొనసాగుతున్నా.. కామాంధులు మాత్రం అకృత్యాలు ఆపట్లేదు. అత్యాచారాల విషయంలో ఇప్పుడు ఎన్ని కఠిన చర్యలు తీసుకున్నా సరే కామందుల కామానికి మాత్రం అడ్డుకట్ట పడటం లేదు. చిన్నా పెద్దా అనే తేడా లేకుండా మహిళలపై అఘాయిత్యాలు చోటుచేసుకుంటున్నాయి. తాజాగా జార్ఖండ్‌లో ఘోర సంఘటన అక్కడ విషాదంగా మార్చింది. ఆ రాష్ట్రంలోని గొడ్డా జిల్లాలో ఈ ఘటన చోటు చేసుకుంది.

గొడ్డా జిల్లాలో 13 ఏళ్ల అంగవైకల్యంతో కూడిన బాలికపై అత్యాచారం, హత్య జరిగినట్లు మహాగామా నియోజకవర్గానికి చెందిన కాంగ్రెస్ ఎమ్మెల్యే, దీపికా పాండే సింగ్ సిఎం హేమత్ సోరెన్‌కు లేఖ రాశారు. మెహర్మా పోలీస్ స్టేషన్ పరిధిలోని ఖిరోండి గ్రామంలోని పాఠశాల గదిలో మృతదేహం లభించిందని ఆయన సిఎంకి ఫిర్యాదు చేసారు. ఈ ఘటనపై సిఎం వేగంగా స్పందించి విచారణకు ఆదేశించారు.